BSNL ಇಂಟರ್‌ನೆಟ್ ಫೈಬರ್ ಟಿವಿ ಸೇವೆ(BSNL Internet Fiber TV Servic): ‘ಸೆಟ್-ಟಾಪ್ ಬಾಕ್ಸ್(Set-up box)’ ಇಲ್ಲದೇ 500 ಚಾನಲ್ ಉಚಿತವಾಗಿ ವೀಕ್ಷಿಸುವ ಸೌಲಭ್ಯ

ಭಾರತದ ಪುರಾತನ ಮತ್ತು ವಿಶ್ವಾಸಾರ್ಹ ಟೆಲಿಕಾಂ ಸಂಸ್ಥೆ, ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL), ತನ್ನ ಹೊಸ ಅಂತರಜಾಲ ಮತ್ತು ಟಿವಿ ಸೇವೆ ಮೂಲಕ ದೇಶಾದ್ಯಂತ ತಂತ್ರಜ್ಞಾನದ ಪ್ರಗತಿಗೆ ನಾಂದಿ ಹಾಡುತ್ತಿದೆ. ಗ್ರಾಹಕರಿಗೆ ಹೆಚ್ಚಿನ ಸೇವೆಗಳನ್ನು ಕಡಿಮೆ ವೆಚ್ಚದಲ್ಲಿ ಒದಗಿಸಲು ಹೆಸರಾಗಿರುವ BSNL, ಇದೀಗ ಇಂಟರ್‌ನೆಟ್ ಪ್ರೋಟೋಕಾಲ್ ಆಧಾರಿತ ಫೈಬರ್ ಟಿವಿ (Internet Protocol-based Fiber TV, IFTV) ಸೇವೆಯನ್ನು ಆರಂಭಿಸಿದೆ. ಈ ಹೊಸತಾದ ಸೌಲಭ್ಯವು ಗ್ರಾಹಕರಿಗೆ 500 ಕ್ಕೂ ಹೆಚ್ಚು ಚಾನೆಲ್‌ಗಳನ್ನು ಉಚಿತವಾಗಿ ವೀಕ್ಷಿಸಲು ಅವಕಾಶ ಮಾಡಿಕೊಡುತ್ತದೆ.

ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಸೆಟ್-ಟಾಪ್ ಬಾಕ್ಸ್‌ ಇಲ್ಲದೆ ಟಿವಿ ವೀಕ್ಷಣೆಗೆ ಅವಕಾಶ

ಇನ್ನು ಗ್ರಾಹಕರು TV ವೀಕ್ಷಣೆಗೆ ಸೆಟ್-ಟಾಪ್ ಬಾಕ್ಸ್‌ ಅಥವಾ ಯಾವುದೇ ಹೆಚ್ಚುವರಿ ಸಾಧನಗಳ ಅವಶ್ಯಕತೆ ಇಲ್ಲದೇ IFTV ಸೇವೆಯನ್ನು ಬಳಸಬಹುದು. ಈ ಸೇವೆ, ಹೊಸದಾಗಿ ಉತ್ಪಾದನೆಯಾದ ಟಿವಿಗಳೊಂದಿಗೆ ಅಷ್ಟೇ ಅಲ್ಲದೆ ಹಳೆಯ LCD ಅಥವಾ LED ಟಿವಿಗಳಲ್ಲಿಯೂ ಫೈರ್ ಸ್ಟಿಕ್‌ ಮೂಲಕ ಹಾರ್ಡ್ವೇರ್ ಬದಲಾವಣೆ ಅಗತ್ಯವಿಲ್ಲದೇ ಲಭ್ಯವಿದೆ.

HD ಗುಣಮಟ್ಟದ ಲೈವ್ ಟಿವಿ ಚಾನೆಲ್‌ಗಳು

BSNL ಈ ಹೊಸ ಸೇವೆಯನ್ನು ಬಳಸುವ ಗ್ರಾಹಕರಿಗೆ, ತಮ್ಮ ಬ್ರಾಡ್‌ಬ್ಯಾಂಡ್ ಸಂಪರ್ಕದ ಮೂಲಕ HD ಗುಣಮಟ್ಟದ ಲೈವ್ ಟಿವಿ(Live TV)ಚಾನೆಲ್‌ಗಳನ್ನು ವೀಕ್ಷಿಸಲು ಅನುಕೂಲ ಮಾಡಿಕೊಡುತ್ತಿದೆ. ಹೀಗಾಗಿ, ಇದು ಹೊಸ ಚಾನಲ್ ಪ್ಯಾಕೇಜ್‌ಗಳ ಅಗತ್ಯವಿಲ್ಲದೇ ಮನರಂಜನೆಯನ್ನು ಲಭ್ಯವಾಗುವಂತೆ ಮಾಡುತ್ತದೆ.

ಗುಜರಾತ್ ಸೇರಿ ನಾಲ್ಕು ರಾಜ್ಯಗಳಲ್ಲಿ IFTV ಸೇವೆ

BSNL ತನ್ನ IFTV ಸೇವೆಯನ್ನು ಪ್ರಾರಂಭಿಸಿರುವ ರಾಜ್ಯಗಳ ಪಟ್ಟಿಗೆ ಗುಜರಾತ್, ಮಧ್ಯಪ್ರದೇಶ, ತಮಿಳುನಾಡು ಮತ್ತು ಪಂಜಾಬ್ ಸೇರಿವೆ. ಈ ಹೊಸ ಸೇವೆ ವಿವಿಧ ರಾಜ್ಯಗಳಲ್ಲಿ ಡಿಜಿಟಲ್(Digital)ಕ್ರಾಂತಿಗೆ ಹೊಸ ಮುಖವನ್ನು ನೀಡುತ್ತಿದ್ದು, ಹಲವು ಸಾವಿರ ಚಂದಾದಾರರನ್ನು ಸೆಳೆಯುತ್ತಿದೆ. ಪಂಜಾಬ್‌ನಲ್ಲಿ ಈ ಸೇವೆ ಸ್ಕೈಪ್ರೊ ಸಂಸ್ಥೆಯೊಂದಿಗೆ ಪಾಲುದಾರಿಕೆಯಿಂದ ಕಾರ್ಯನಿರ್ವಹಿಸುತ್ತಿದೆ.

D2M ಸೇವೆಯ ಪ್ರಾರಂಭ ಮತ್ತು ಅದರ ಮಹತ್ವ

ಇನ್ನು BSNL ಇತ್ತೀಚೆಗೆ ಪುದುಚೇರಿಯಲ್ಲಿ BiTV (Direct to mobile) ಎಂಬ ಸೇವೆಯನ್ನು ಪ್ರಾರಂಭಿಸಿದ್ದು, ಇದು 300 ಕ್ಕೂ ಹೆಚ್ಚು ಲೈವ್ ಟಿವಿ ಚಾನೆಲ್‌ಗಳನ್ನು ನೇರವಾಗಿ ಮೊಬೈಲ್‌ಗಳಲ್ಲಿ ವೀಕ್ಷಿಸುವ ಅವಕಾಶವನ್ನು ಒದಗಿಸುತ್ತದೆ.

ಹೆಚ್ಚುವರಿ ವೆಚ್ಚವಿಲ್ಲದೆ ಸೌಲಭ್ಯಗಳು

IFTV ಸೇವೆಯ ಪ್ರಮುಖ ಆಕರ್ಷಣೆ ಎಂದರೆ ಇದಕ್ಕೆ ಹೆಚ್ಚುವರಿ ವೆಚ್ಚವನ್ನು ಭರಸಬೇಕಾಗಿಲ್ಲ. BSNL ತನ್ನ ಸೇವೆಗಳನ್ನು ಹೆಚ್ಚಿನ ಗುಣಮಟ್ಟದಲ್ಲಿ ತಡೆಯಿಲ್ಲದ ಸಂಪರ್ಕದೊಂದಿಗೆ ಕಡಿಮೆ ದರದಲ್ಲಿ ಒದಗಿಸುತ್ತಿದ್ದು, ಇದು ಗ್ರಾಮೀಣ ಮತ್ತು ನಗರ ಪ್ರದೇಶಗಳ ಗ್ರಾಹಕರನ್ನು ಆಕರ್ಷಿಸುತ್ತಿದೆ.

5ಜಿ ತಂತ್ರಜ್ಞಾನಕ್ಕೆ(5G technology) ಸಿದ್ಧತೆ:

BSNL ತನ್ನ 4ಜಿ ತಂತ್ರಜ್ಞಾನವನ್ನು 5ಜಿ ಸೇವೆಗಳಿಗೆ ಅಪ್‌ಗ್ರೇಡ್ ಮಾಡಲು ಸಕ್ರೀಯವಾಗಿದೆ. ಈ ಯೋಜನೆಯಡಿ 1,00,000 ಕ್ಕೂ ಹೆಚ್ಚು ಮೊಬೈಲ್ ಟವರ್‌ಗಳನ್ನು ನಿರ್ಮಾಣ ಮಾಡುವ ಉದ್ದೇಶ ಹೊಂದಿದ್ದು, ಇದರಲ್ಲಿ 60,000 ಟವರ್‌ಗಳ ನಿರ್ವಾಣ ಕಾರ್ಯ ಈಗಾಗಲೇ ಪೂರ್ಣಗೊಂಡಿದೆ.

BSNL ತನ್ನ ಹೊಸ ಸೇವೆಗಳನ್ನು ಎಲೆಕ್ಟ್ರಾನಿಕ್ ಮನರಂಜನೆ ಮತ್ತು ಡಿಜಿಟಲ್ ಬದಲಾವಣೆಗೆ ಸಾಥ್ ನೀಡುವ ಹಾದಿಯಲ್ಲಿದೆ. ಈ ಹೊಸ ಸೌಲಭ್ಯಗಳು ಗ್ರಾಮೀಣ ಭಾಗದಲ್ಲಿಯೂ ಲಭ್ಯವಾಗುತ್ತಿದ್ದು, ದೇಶದ ಎಲ್ಲೆಡೆ ಡಿಜಿಟಲ್ ಪ್ರಗತಿಗೆ ಪೂರಕವಾಗಿದೆ.

BSNL ತನ್ನ ಹೊಸ IFTV ಮತ್ತು BiTV ಸೇವೆಗಳೊಂದಿಗೆ ಡಿಜಿಟಲ್ ಕ್ರಾಂತಿಯ ದಾರಿಯಲ್ಲಿದೆ. ‘ಸೆಟ್-ಟಾಪ್ ಬಾಕ್ಸ್‌’ ಇಲ್ಲದೇ ಟಿವಿ ವೀಕ್ಷಣೆ, 500 ಕ್ಕೂ ಹೆಚ್ಚು ಉಚಿತ ಚಾನಲ್‌ಗಳು, ಮತ್ತು ಕಡಿಮೆ ವೆಚ್ಚದಲ್ಲಿ ಗುಣಮಟ್ಟದ ಸೇವೆಗಳು ಭಾರತದಲ್ಲಿ ಹೊಸ ತಂತ್ರಜ್ಞಾನ ಅನುಭವಕ್ಕೆ ನಾಂದಿ ಹಾಡುತ್ತಿದೆ. BSNL ನ ಉತ್ಸಾಹಪೂರ್ಣ ಯೋಜನೆಗಳು ಮತ್ತು ಗ್ರಾಹಕ ಮಿತ್ರ ಸೇವೆಗಳು ಟೆಲಿಕಾಂ ವಲಯದಲ್ಲಿ ಹೊಸ ಆಯಾಮಕ್ಕೆ ದಾರಿ ತೆರೆದುಕೊಡುತ್ತಿವೆ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.