ರಿಯಲ್ ಎಸ್ಟೇಟ್ ವಹಿವಾಟುಗಳಲ್ಲಿ ಪಾರದರ್ಶಕತೆ: ಸಾಕ್ಷಿಗಳ ಅವಶ್ಯಕತೆ ಮತ್ತು ಕಾನೂನು ನಿಯಮಗಳು ಯಾವ ರೀತಿಯಿವೆ?:

ಭಾರತದಲ್ಲಿ ಯಾವುದೇ ಆಸ್ತಿ ವಹಿವಾಟು (Property transaction) ಕಾನೂನಾತ್ಮಕವಾಗಿ ಪರಿಗಣಿಸಲ್ಪಡುವಂತೆ ಮಾಡುವ ಪ್ರಮುಖ ಹಂತವೆಂದರೆ ಆಸ್ತಿ ನೋಂದಣಿ. ಇದು ರಿಯಲ್ ಎಸ್ಟೇಟ್ (Real estate) ಖರೀದಿ-ಮಾರಾಟದ ಪ್ರಕ್ರಿಯೆಯ ಅವಿಭಾಜ್ಯ ಅಂಗವಾಗಿದೆ. ಮನೆಯೇ ಆಗಿರಲಿ, ಪ್ಲಾಟ್, ಜಮೀನು ಅಥವಾ ವಾಣಿಜ್ಯ ಉದ್ದೇಶಕ್ಕಾಗಿ ಬಳಸುವ ಕಟ್ಟಡ ಈ ಎಲ್ಲಾ ಆಸ್ತಿಗಳ ಹಸ್ತಾಂತರ ಭಾರತೀಯ ನೋಂದಣಿ ಕಾಯ್ದೆ, 1908 ರ ಪ್ರಕಾರ ಸರಿಯಾಗಿ ದಾಖಲಾಗಬೇಕು. ಈ ನೋಂದಣಿಯು ಸ್ಟಾಂಪ್ ಡ್ಯೂಟಿ (Stamp Duty) ಮತ್ತು ನೋಂದಣಿ ಶುಲ್ಕ (Registration Fee) ಪಾವತಿಸಿದ ನಂತರ ಮಾತ್ರ ಉಪ-ನೋಂದಣಿದಾರರ ಕಚೇರಿಯಲ್ಲಿ ಅಧಿಕೃತವಾಗಿ ಪ್ರಕ್ರಿಯೆಗೊಳ್ಳುತ್ತದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಆಸ್ತಿ ವಹಿವಾಟಿನಲ್ಲಿ ಒಂದು ಪ್ರಮುಖ ಅಂಶವೆಂದರೆ ಸಾಕ್ಷಿಗಳ ಅವಶ್ಯಕತೆ(Requirement of witnesses). ನೋಂದಣಿ ಪ್ರಕ್ರಿಯೆ ಪಾರದರ್ಶಕ ಮತ್ತು ಕಾನೂನಾತ್ಮಕವಾಗಿರಲು ಸಾಕ್ಷಿಗಳ ಭೌತಿಕ ಹಾಜರಾತಿ ಅತ್ಯಗತ್ಯ. ಹಾಗಾದರೆ, ಯಾರು ಆಸ್ತಿ ನೋಂದಣಿಯಲ್ಲಿ (Property registration) ಸಾಕ್ಷಿಗಳಾಗಿ ಕಾರ್ಯನಿರ್ವಹಿಸಬಹುದು? ಈ ಬಗ್ಗೆ ಕಾನೂನು ಏನು ಹೇಳುತ್ತದೆ? ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ.

ಆಸ್ತಿ ನೋಂದಣಿಯಲ್ಲಿ ಸಾಕ್ಷಿಗಳ ಅವಶ್ಯಕತೆ ಏನು?:

ಭಾರತೀಯ ಕಾನೂನಿನ ಪ್ರಕಾರ (According to Indian law), ಆಸ್ತಿ ನೋಂದಣಿಯ ಪ್ರಕ್ರಿಯೆಯಲ್ಲಿ ಕನಿಷ್ಠ ಇಬ್ಬರು ಸಾಕ್ಷಿಗಳು ಕಾರ್ಯನಿರ್ವಹಿಸಬೇಕು. ಈ ಸಾಕ್ಷಿಗಳು ವಹಿವಾಟನ್ನು ದೃಢೀಕರಿಸುವ ಮತ್ತು ಯಾವುದೇ ಭವಿಷ್ಯದ ವಿವಾದದ ಸಂದರ್ಭದಲ್ಲೂ ಪ್ರಮಾಣೀಕರಣಕ್ಕೆ ಸಹಾಯ ಮಾಡಬಹುದಾದ ವ್ಯಕ್ತಿಗಳಾಗಿರಬೇಕು.

ಆಸ್ತಿ ನೋಂದಣಿಯಲ್ಲಿ ಸಾಕ್ಷಿಗಳ ಅವಶ್ಯಕತೆ ಏನು?:

ನಿಮ್ಮ ಆಸ್ತಿ ನೋಂದಣಿಗೆ ಸಾಕ್ಷಿಯಾಗಿ ಕಾರ್ಯನಿರ್ವಹಿಸಬಲ್ಲ ವ್ಯಕ್ತಿಗಳ ಕುರಿತು, ಕಾನೂನು ಪಟ್ಟಿ ಮಾಡಿದ ಕೆಲವು ಶರತ್ತುಗಳು ಕೆಳಗಿನಂತಿವೆ
ವಯೋಮಿತಿ (Age limit):
18 ವರ್ಷ ಮೇಲ್ಪಟ್ಟ ಯಾವುದೇ ವ್ಯಕ್ತಿ ಸಾಕ್ಷಿಯಾಗಿ ಇರಬಹುದು. ಅಪ್ರಾಪ್ತ ವಯಸ್ಸಿನವರು (18ರ ಕೆಳಗಿನವರು) ಕಾನೂನುಬದ್ಧ ಸಾಕ್ಷಿಗಳಾಗಲು ಸಾಧ್ಯವಿಲ್ಲ.
ಪಕ್ಷಪಾತವಿಲ್ಲದ ವ್ಯಕ್ತಿ:
ಖರೀದಿದಾರ ಅಥವಾ ಮಾರಾಟಗಾರ (Buyer/Seller) ತಮ್ಮದೇ ವಹಿವಾಟಿಗೆ ಸಾಕ್ಷಿಯಾಗಲು ಸಾಧ್ಯವಿಲ್ಲ. ಇವರಿಗೆ ಸಂಬಂಧಿಸಿದ ಸ್ನೇಹಿತ, ಸಂಬಂಧಿ ಅಥವಾ ನಂಬಿಗಸ್ತ ವ್ಯಕ್ತಿಗಳು ಸಾಕ್ಷಿಗಳಾಗಿ ಹಾಜರಾಗಬಹುದು.
ಭೌತಿಕ ಹಾಜರಾತಿ:
ಸಾಕ್ಷಿಗಳಾದ ವ್ಯಕ್ತಿಗಳು ನೋಂದಣಿ ಪ್ರಕ್ರಿಯೆ ನಡೆಯುವ ಸ್ಥಳದಲ್ಲಿ (ಉಪ-ನೋಂದಣಿದಾರರ ಕಚೇರಿ) ಖುದ್ದು ಹಾಜರಿರಬೇಕು.
ಗುರುತು ಪತ್ರದ ಅವಶ್ಯಕತೆ (Identity card required) :
ಸಾಕ್ಷಿಗಳು ತಮ್ಮ ಗುರುತನ್ನು ದೃಢೀಕರಿಸಲು ಮಾನ್ಯ ಆಧಾರ್ ಕಾರ್ಡ್, ಪಾಸ್‌ಪೋರ್ಟ್, ಪ್ಯಾನ್ ಕಾರ್ಡ್ ಅಥವಾ ಚಾಲನಾ ಪರವಾನಗಿ ಮುಂತಾದ ಗುರುತಿನ ಪುರಾವೆಗಳನ್ನು ನೀಡಬೇಕು.
ಬಯೋಮೆಟ್ರಿಕ್ ದಾಖಲೆ:
ಸಾಕ್ಷಿಗಳು ತಮ್ಮ ಹಸ್ತಾಕ್ಷರ ಹಾಗೂ ಬಯೋಮೆಟ್ರಿಕ್ ವಿವರಗಳನ್ನು (ಉದಾಹರಣೆಗೆ: ಬೆರಳಚ್ಚು) ಸ್ಕ್ಯಾನ್ (Scan) ಮಾಡಿಸಬೇಕು.

ಸಾಕ್ಷಿಯಾಗಿ ಕಾರ್ಯನಿರ್ವಹಿಸುವವರು ಮಹತ್ವವೇನು?:

ಸಾಕ್ಷಿಗಳ ಸ್ಥಾನಮಾನ ಕೇವಲ ಪ್ರಕ್ರಿಯಾತ್ಮಕತೆಗಾಗಿ ಇರುವುದಲ್ಲ, ಇದರ ಹೊರತಾಗಿ ಆಸ್ತಿ ವಹಿವಾಟಿನ ಪ್ರಾಮಾಣಿಕತೆ, ನೈತಿಕತೆ ಮತ್ತು ಕಾನೂನು ಬದ್ಧತೆಯನ್ನು (Ethics and legality) ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ. ಹೆಚ್ಚುವರಿಯಾಗಿ, ಸಾಕ್ಷಿಗಳು ಆಸ್ತಿ ವಿವಾದಗಳು, ವಂಚನೆ ಅಥವಾ ಭವಿಷ್ಯದ ನ್ಯಾಯಾಂಗ ಕಾನೂನಾತ್ಮಕ ಪ್ರಕ್ರಿಯೆಗಳಲ್ಲಿ ಸಾಕ್ಷ್ಯಾಧಾರವಾಗಿ ಕಾರ್ಯನಿರ್ವಹಿಸಬಹುದು.

ಭಾರತೀಯ ನೋಂದಣಿ ಕಾಯ್ದೆ, 1908ನ ಪ್ರಕಾರ ನಿಯಮಗಳು ಏನು ಹೇಳುತ್ತವೆ?:

ಭಾರತೀಯ ನೋಂದಣಿ ಕಾಯ್ದೆ, 1908 (The Registration Act, 1908) ನ್ನು ಆಸ್ತಿ ಹಸ್ತಾಂತರ ಪ್ರಕ್ರಿಯೆಯ ಪಾರದರ್ಶಕತೆಯನ್ನು ದೃಢಪಡಿಸಲು ರೂಪಿಸಲಾಗಿದೆ. ಈ ಕಾಯ್ದೆಯು ನೋಂದಣಿ ಮಾಡಬೇಕಾದ ದಾಖಲೆಗಳು, ಸಾಕ್ಷಿಗಳ ಅವಶ್ಯಕತೆ ಮತ್ತು ದಾಖಲೆಗಳ ಕಾನೂನುಬದ್ಧ ಮಾನ್ಯತೆ ಮುಂತಾದ ಅಂಶಗಳನ್ನು ನಿಯಂತ್ರಿಸುತ್ತದೆ.

ಈ ಕಾಯ್ದೆಯು ನೀಡುವ ಕೆಲವು ಪ್ರಮುಖ ನಿಯಮಗಳು ಹೀಗಿವೆ:
ಆಸ್ತಿ ಹಸ್ತಾಂತರದ ದೃಢೀಕರಣ(Confirmation of property transfer) :

ಯಾವುದೇ ಆಸ್ತಿ ವಹಿವಾಟು ಕಾನೂನಾತ್ಮಕ ಮಾನ್ಯತೆ ಪಡೆಯಬೇಕಾದರೆ ಅದರ ನೋಂದಣಿ ಕಡ್ಡಾಯ.
ವಂಚನೆ ತಡೆಗಟ್ಟುವಿಕೆ:
ನೋಂದಣಿ ಪ್ರಕ್ರಿಯೆಯಲ್ಲಿ ಸಾಕ್ಷಿಗಳ ಸಮ್ಮತಿ, ದಸ್ತಾವೇಜುಗಳ ಪರಿಶೀಲನೆ ಮತ್ತು ಬಯೋಮೆಟ್ರಿಕ್ (Biometric) ದೃಢೀಕರಣ ಮೂಲಕ ವಂಚನೆ ತಡೆಗಟ್ಟಬಹುದು.
ವಿವಾದಗಳನ್ನು ಪರಿಹರಿಸುವ ಶಕ್ತಿಯುಳ್ಳ ದಾಖಲೆ: ನೋಂದಣಿಯಾದ ಆಸ್ತಿ ದಾಖಲೆಗಳು ಭವಿಷ್ಯದ ನ್ಯಾಯಾಂಗದ ಪರಿಗಣನೆಗೆ ಅಧಿಕೃತ ದಾಖಲೆಗಳಾಗುತ್ತವೆ.

ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ (Real estate field) ಪಾರದರ್ಶಕತೆಯ ಅಗತ್ಯತೆ ಏನು?:

ಮಾರ್ಚ್ 21 ರಂದು, ವಸತಿ ಮತ್ತು ನಗರ ವ್ಯವಹಾರಗಳ ಸಚಿವ ಮನೋಹರ್ ಲಾಲ್ ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಪಾರದರ್ಶಕತೆ ಮತ್ತು ವಿಶ್ವಾಸಾರ್ಹತೆಯ ಅಗತ್ಯತೆಯನ್ನು ಒತ್ತಿಹೇಳಿದ್ದಾರೆ, 2030ರ ವೇಳೆಗೆ ಈ ಕ್ಷೇತ್ರವು ₹85 ಲಕ್ಷ ಕೋಟಿ ಮೌಲ್ಯದ ಮಾರುಕಟ್ಟೆಯಾಗುವ ನಿರೀಕ್ಷೆಯಿದೆ. ಈ ಬೆಳವಣಿಗೆಯೊಂದಿಗೆ, ರಿಯಲ್ ಎಸ್ಟೇಟ್ ಏಜೆಂಟ್‌ಗಳು (Real estate agent’s) ನೈತಿಕ ವ್ಯವಹಾರಗಳು ಮತ್ತು ಪ್ರಾಮಾಣಿಕ ಸೇವೆಗಳನ್ನು ನೀಡುವ ಅಗತ್ಯತೆಯ ಬಗ್ಗೆ ಸಂದೇಶವನ್ನು ನೀಡಿದ್ದಾರೆ.

ಈಗಾಗಲೇ NAR-ಇಂಡಿಯಾ (National Association of Realtors – India) ಸುಮಾರು 50,000 ರಿಯಲ್ ಎಸ್ಟೇಟ್ ಏಜೆಂಟ್‌ಗಳನ್ನು ಪ್ರತಿನಿಧಿಸುತ್ತಿದ್ದು, ಕ್ಷೇತ್ರದ ಪ್ರಾಮಾಣಿಕತೆ ಹೆಚ್ಚಿಸಲು ಆಧುನಿಕ ತಂತ್ರಜ್ಞಾನಗಳ (Modern technologies) ಅಳವಡಿಕೆ, ಕಾನೂನು ಅನುಸರಣೆ ಮತ್ತು ಹೂಡಿಕೆದಾರರ ನಂಬಿಕೆ ಹೆಚ್ಚಿಸಲು ನಾವೀನ್ಯತೆಗಳನ್ನು ಅನುಷ್ಠಾನಗೊಳಿಸುತ್ತಿದೆ.

ಆಸ್ತಿ ನೋಂದಣಿ ಕಾನೂನಾತ್ಮಕ ಪ್ರಕ್ರಿಯೆಯಾಗಿದ್ದು(It is a legal process), ಇದರ ಪಾರದರ್ಶಕತೆ ಮತ್ತು ಪ್ರಾಮಾಣಿಕತೆಯ ದೃಷ್ಠಿಯಿಂದ ಸಾಕ್ಷಿಗಳ ಹಾಜರಾತಿ ಕಡ್ಡಾಯ. 18 ವರ್ಷ ಮೇಲ್ಪಟ್ಟ, ಖರೀದಿದಾರ ಅಥವಾ ಮಾರಾಟಗಾರರಲ್ಲದ ಯಾವುದೇ ವ್ಯಕ್ತಿಗಳು ಸಾಕ್ಷಿಯಾಗಿ ಭಾಗವಹಿಸಬಹುದು. ಬಯೋಮೆಟ್ರಿಕ್ ವಿವರಗಳನ್ನು ಒದಗಿಸಬೇಕಾಗುತ್ತದೆ.

ಇದೇ ವೇಳೆ, ರಿಯಲ್ ಎಸ್ಟೇಟ್ ವಹಿವಾಟುಗಳಲ್ಲಿ ನೈತಿಕತೆ, ಪಾರದರ್ಶಕತೆ ಮತ್ತು ಸಾಕ್ಷಿಗಳು (Ethics, transparency and evidence) ತಮ್ಮ ಗುರುತು ಪ್ರಮುಖ ಅಂಶಗಳಾಗಿದ್ದು, ಪ್ರಸ್ತುತ ಭಾರತೀಯ ರಿಯಲ್ ಎಸ್ಟೇಟ್ ಮಾರುಕಟ್ಟೆಯ ಭವಿಷ್ಯದಲ್ಲೂ ಇದು ಪ್ರಮುಖ ಪಾತ್ರವಹಿಸಲಿದೆ. ಆಸ್ತಿ ನೋಂದಣಿ ಪ್ರಕ್ರಿಯೆಯನ್ನು (Property registration process) ನೈಜವಾಗಿ ಅನುಸರಿಸುವುದು ಭವಿಷ್ಯದ ಆಸ್ತಿ ವಿವಾದಗಳನ್ನು ತಪ್ಪಿಸುವ ಅತಿ ಸೂಕ್ತ ಮಾರ್ಗವಾಗಿದೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.