ಕೃಷಿ ಪಂಪ್‌ಸೆಟ್( Krushi pump set) ಹೊಂದಿದ್ದೀರಾ? ಈ ಮಾಹಿತಿ ನಿಮಗೆ ಅಗತ್ಯವಿದೆ!

ರಾಜ್ಯ ವಿದ್ಯುತ್ ಸರಬರಾಜು ಕಂಪನಿಯಿಂದ ರೈತರಿಗೆ ಬಂದಿದೆ ಮಹತ್ವದ ಸೂಚನೆ. ಕೃಷಿ ಪಂಪ್‌ಸೆಟ್ ಬಳಸುವ ಪ್ರತಿಯೊಬ್ಬ ರೈತರು ತಿಳಿದುಕೊಳ್ಳಲೇಬೇಕಾದ ಅಂಶಗಳು ಈ ವರದಿಯಲ್ಲಿದೆ, ತಪ್ಪದೇ ಕೊನೆಯವರೆಗೂ ಓದಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ರಾಜ್ಯದ ವಿದ್ಯುತ್‌ ಸರಬರಾಜು ಕಂಪನಿಗಳಿಂದ ಕೃಷಿ ಪಂಪ್ ಸೆಟ್ (Agricultural pump sets) ಹೊಂದಿರುವ ರೈತರಿಗೆ ಮಹತ್ವದ ನೂತನ ಆದೇಶವನ್ನು ಹೊರಡಿಸಲಾಗಿದೆ. ಈ ಆದೇಶವು ಎಲ್ಲ ರೈತರಿಗೂ ಅನ್ವಯವಾಗಿದ್ದು, ಆಜ್ಞೆಯನ್ನು ಪಾಲನೆ ಮಾಡುವುದು ಕಡ್ಡಾಯವಾಗಿದೆ. ಈ ಹೊಸ ಕ್ರಮದಿಂದ ರೈತರಿಗೆ ಕೃಷಿ ಚಟುವಟಿಕೆಗಳನ್ನು ನಿರ್ವಹಿಸುವಲ್ಲಿ ಸುಲಭತೆ ತರುವುದಷ್ಟೇ ಅಲ್ಲದೆ, ಸರ್ಕಾರದ ನಿಲುವು ಅನುಸರಿಸದ ರೈತರಿಗೆ ಸಮಸ್ಯೆಗಳು ಉಂಟಾಗಬಹುದು.

ಆದೇಶದ ಹಿನ್ನಲೆ:

ಈ ಆದೇಶವನ್ನು ಜಾರಿಗೆ ತರುವುದರ ಹಿಂದಿರುವ ಪ್ರಮುಖ ಉದ್ದೇಶವೆಂದರೆ, ರಾಜ್ಯದ ಇಂಧನ ಇಲಾಖೆಯ ಆರ್ಥಿಕ ಬಾಧ್ಯತೆಗಳನ್ನು ಸಮರ್ಥವಾಗಿ ನಿರ್ವಹಿಸಲು ಹಾಗೂ ಕೃಷಿ ಪಂಪ್ ಸೆಟ್ ಗಳ ಬಳಕೆಯನ್ನು ನಿಯಂತ್ರಿಸಲು ಸಾಧ್ಯವಾಗುವುದು. ಪ್ರಸ್ತುತ, ರೈತರು ತಮ್ಮ ಪಂಪ್ ಸೆಟ್ ಗಳಿಂದ ವಿದ್ಯುತ್ ಬಳಕೆ ಮಾಡುವುದಕ್ಕೆ ಸರ್ಕಾರ ಸಹಾಯಧನ ನೀಡುತ್ತಿದೆ. ಇದರಿಂದಾಗಿ, ಕೃಷಿಗೆ ಬೇಕಾದ ವಿದ್ಯುತ್ ಬಿಲ್(Electricity bill) ಪಾವತಿಯಲ್ಲಿ ರೈತರಿಗೆ ಆರ್ಥಿಕ ಭಾರ ಕಡಿಮೆಯಾಗುತ್ತಿದ್ದು, ಬೆಳೆಗಳ ಬೆಳವಣಿಗೆಗೆ ಸಹಾಯಕವಾಗುತ್ತದೆ.

ಹೆಸರು ಬದಲಾವಣೆಯ ಮಹತ್ವ:

ಹಲವು ರೈತರು ಕೃಷಿ ಜಮೀನನ್ನು ಖರೀದಿ ಮಾಡಿದಾಗ ಅಥವಾ ನವೀಕರಣ ಮಾಡಿದಾಗ, ತಮ್ಮ ಹೆಸರಿನಲ್ಲಿ ಪಂಪ್ ಸೆಟ್ RR ಸಂಖ್ಯೆಯನ್ನು ಬದಲಾವಣೆ ಮಾಡಿಲ್ಲ. ಇದರಿಂದ, ಅನೇಕ ಸಮಸ್ಯೆಗಳು ಉಂಟಾಗುತ್ತಿದ್ದು, ಅಕ್ರಮ ಪಂಪ್ ಸೆಟ್ ಗಳ ಬಳಕೆ ಹೆಚ್ಚಾಗುವ ಸಾಧ್ಯತೆಯಿದೆ. ಈ ಸಮಸ್ಯೆಯನ್ನು ತಡೆಯಲು ಮತ್ತು ನೈಜ ಫಲಾನುಭವಿಗಳನ್ನು ಗುರುತಿಸಲು, ಸರ್ಕಾರದಿಂದ RR ಸಂಖ್ಯೆಯನ್ನು ಕಡ್ಡಾಯವಾಗಿ ಮಾಲೀಕರ ಹೆಸರಿನಲ್ಲಿ ಬದಲಾವಣೆ ಮಾಡಿಕೊಳ್ಳುವಂತೆ ಸೂಚನೆ ನೀಡಲಾಗಿದೆ.

ಹೆಸರು ಬದಲಾವಣೆ ಹೇಗೆ ಮಾಡುವುದು?

RR ಸಂಖ್ಯೆಯ(RR number) ಹೆಸರನ್ನು ಬದಲಾವಣೆ ಮಾಡುವ ಪ್ರಕ್ರಿಯೆ ಸರಳವಾಗಿದೆ. ರೈತರು ತಮ್ಮ ಹಳ್ಳಿಯ ಲೈನ್ ಮ್ಯಾನ್ ಅವರ ಬಳಿ ಅಥವಾ ಹೋಬಳಿ/ಹತ್ತಿರ ವಿದ್ಯುತ್ ಸರಬರಾಜು ಕಂಪನಿ ಕಚೇರಿಯನ್ನು ಭೇಟಿ ಮಾಡಿ, ಅಗತ್ಯ ದಾಖಲಾತಿಗಳನ್ನು ಒದಗಿಸಿ ಅರ್ಜಿ ಸಲ್ಲಿಸಬಹುದು.

ಅರ್ಜಿ ಸಲ್ಲಿಸಲು ಅಗತ್ಯ ದಾಖಲಾತಿಗಳು:

ಆಧಾರ್ ಕಾರ್ಡ್(Aadhar Card): ಅರ್ಜಿದಾರರ ಹಳೆಯ ಅಥವಾ ಹೊಸದಾಗಿ ಬಿಡುಗಡೆ ಮಾಡಲಾದ ಆಧಾರ್ ಕಾರ್ಡ್.

ಪೋಟೋ (Photo): ಅರ್ಜಿದಾರರ ನವೀನ ಪಾಸ್‌ಪೋರ್ಟ್‌ ಸೈಜ್ ಪೋಟೋ.

RR ಸಂಖ್ಯೆ ವಿವರ: ಪಂಪ್ ಸೆಟ್ ನ RR ಸಂಖ್ಯೆಯ ಬಗ್ಗೆ ಸಂಪೂರ್ಣ ಮಾಹಿತಿ.

ಮೊಬೈಲ್ ಸಂಖ್ಯೆ(Mobile Number): ಸಂಪರ್ಕಕ್ಕೆ ಅನುಕೂಲವಾಗುವ ಮೊಬೈಲ್ ಸಂಖ್ಯೆ.

ಅರ್ಜಿ ನಮೂನೆ(Application form): ಸರಿಯಾಗಿ ತುಂಬಿದ ಮತ್ತು ಸಹಿ ಮಾಡಿದ ಅರ್ಜಿ ನಮೂನೆ.

ಹೆಸರು ಬದಲಾವಣೆಯ ಅಗತ್ಯತೆ:

ಅಕ್ರಮ ಪಂಪ್ ಸೆಟ್ ಗಳ ನಿಯಂತ್ರಣ(Control of Illegal Pump Sets): ಈ ಕ್ರಮವು ಪಂಪ್ ಸೆಟ್ ಗಳ ಅನಧಿಕೃತ ಬಳಕೆಯನ್ನು ತಡೆಯಲು ನೆರವಾಗುತ್ತದೆ.

ಸಹಾಯಧನದ ಪಾರದರ್ಶಕತೆ (Transparency of subsidy) : ನೈಜ ಫಲಾನುಭವಿಗಳಿಗೆ ಸರಿಯಾದ ರೀತಿಯಲ್ಲಿ ಸಹಾಯಧನ ದೊರಕಲು ಖಚಿತಪಡಿಸಲು ಈ ಕ್ರಮದ ಅವಶ್ಯಕತೆ ಇದೆ.

ಆಧಾರ್ ಜೋಡಣೆ(Aadhaar Linking): RR ಸಂಖ್ಯೆಗೆ ಆಧಾರ್ ಕಾರ್ಡ್ ಜೋಡಣೆ ಮಾಡಲು, ಮಾಲೀಕರ ಹೆಸರಿನಲ್ಲಿ ಪಂಪ್ ಸೆಟ್ ಹೊಂದಿರುವುದು ಕಡ್ಡಾಯವಾಗಿದೆ. ಇದರಿಂದ ಪಂಪ್ ಸೆಟ್ ಗಳು ಯಾರು ಬಳಸುತ್ತಿದ್ದಾರೆ ಎಂಬುದನ್ನು ಸರಿಯಾಗಿ ದಾಖಲೆ ಮಾಡಬಹುದು.

ಈ ಪ್ರಕ್ರಿಯೆಯು ರೈತರು ಸರಿಯಾಗಿ ಪಾಲನೆ ಮಾಡದೇ ಹೋದಲ್ಲಿ, ಮುಂದಿನ ದಿನಗಳಲ್ಲಿ ವಿದ್ಯುತ್ ಸರಬರಾಜಿನಲ್ಲಿ ಸಮಸ್ಯೆ ಉಂಟಾಗಬಹುದು. ಹಾಗಾಗಿ, ಎಲ್ಲಾ ರೈತರು ತಮ್ಮ ಹೆಸರಿನಲ್ಲಿ RR ಸಂಖ್ಯೆಯನ್ನು ಬದಲಾವಣೆ ಮಾಡಿಕೊಳ್ಳುವಂತೆ ಕೋರಲಾಗಿದೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.