ಇ-ಖಾತಾ ಕಡ್ಡಾಯ: ನಿಮ್ಮ ಆಸ್ತಿ ದಾಖಲೆಗಳನ್ನು ನವೀಕರಿಸಲು ಮೇ 10, 2025ರವರೆಗೆ ಅವಕಾಶ!

ಕರ್ನಾಟಕದಲ್ಲಿ ಇ-ಖಾತಾ (E-Khatha) ವ್ಯವಸ್ಥೆಯನ್ನು ಕಡ್ಡಾಯಗೊಳಿಸಿರುವುದರಿಂದ, ಆಸ್ತಿ ಸ್ವತ್ತಿನ ನಿಖರ ದಾಖಲಾತಿಗಳನ್ನು ನಿರ್ವಹಿಸಲು ಸುಗಮ ಅವಕಾಶ ಒದಗಿಸಲಾಗಿದೆ. ಈ ನಿರ್ಧಾರವು ಅನಧಿಕೃತ ನಿವೇಶನಗಳ ನಿಯಂತ್ರಣದೊಂದಿಗೆ ಪೌರಾಡಳಿತ ವ್ಯವಸ್ಥೆಯನ್ನು ಸುಧಾರಿಸಲು ಸರ್ಕಾರ (Government) ಕೈಗೊಂಡ ಮಹತ್ವದ ಹೆಜ್ಜೆಯಾಗಿದೆ. ಈ ಸಂಬಂಧ ಕರ್ನಾಟಕ ಪೌರಸಭೆಗಳ ಅಧಿನಿಯಮ 1964 ಮತ್ತು ಕರ್ನಾಟಕ ಪೌರನಿಗಮಗಳ ಅಧಿನಿಯಮ 1976ರಲ್ಲಿ ತಿದ್ದುಪಡಿ ತರಲಾಗಿದ್ದು, ಇದು ಫೆಬ್ರವರಿ 2025ರಿಂದ ಜಾರಿಗೆ ಬರಲಿದೆ.. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ರಿಸುತ್ತಿರುವ ಪ್ರಶ್ನೆಗಳಿಗೆ ಹಾಗೂ ಸಮಸ್ಯೆಗಳಿಗೆ ರಾಜ್ಯ ಪೌರಾಡಳಿತ ಇಲಾಖೆ (State Municipal Administration Department) ಸ್ಪಷ್ಟೀಕರಣ ನೀಡಿದ್ದು, ಏನೆಲ್ಲಾ ಸ್ಪಷ್ಟೀಕರಣ ನೀಡಿದೆ ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ.

ಇ-ಖಾತಾ ಕುರಿತ ಪ್ರಮುಖ ಪ್ರಶ್ನೆಗಳು (Questions) ಮತ್ತು ಉತ್ತರಗಳು ಈ ಕೆಳಗಿನಂತಿವೆ :

1. ನಗರ ಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿನ ಯಾವೆಲ್ಲಾ ಆಸ್ತಿಗಳನ್ನು ತೆರಿಗೆ ವ್ಯಾಪ್ತಿಗೆ ಒಳಪಡಿಸಬೇಕು?
ಕರ್ನಾಟಕ ಪೌರಸಭೆಗಳ ಅಧಿನಿಯಮ 1964 (Karnataka Municipal Councils Act 1964) (ಪ್ರಕರಣ 94) ಹಾಗೂ ಕರ್ನಾಟಕ ಪೌರನಿಗಮಗಳ ಅಧಿನಿಯಮ 1976 ಅಡಿಯಲ್ಲಿ,
ಸರ್ಕಾರದಿಂದ ವಿನಾಯಿತಿಗೊಳಿಸಲಾದ ಆಸ್ತಿಗಳನ್ನು ಹೊರತುಪಡಿಸಿ, ಎಲ್ಲ ಆಸ್ತಿಗಳನ್ನು ಆಸ್ತಿ ತೆರಿಗೆ ವ್ಯಾಪ್ತಿಗೆ ಒಳಪಡಿಸಬೇಕು.

2. “ಎ” ರಿಜಿಸ್ಟರ್‌ನಲ್ಲಿ (A-Register) ನಮೂದಿಸಬೇಕಾದ ಆಸ್ತಿಗಳು ಯಾವುವು?
110ರಲ್ಲಿ ಅಧಿಕೃತವಾಗಿ ಪರಿಗಣಿಸಲಾದ ಈ ಕೆಳಕಂಡ ಆಸ್ತಿಗಳನ್ನು “ಎ” ರಿಜಿಸ್ಟರ್ ನಲ್ಲಿ ದಾಖಲಿಸಬೇಕು:
ಗ್ರಾಮಠಾಣಾ ಪ್ರದೇಶದ ಸ್ವತ್ತುಗಳು,
ಸರ್ಕಾರ ಅಥವಾ ಸರ್ಕಾರದ ನಿಗಮ ಮಂಡಳಿಗಳಿಂದ ನೀಡಲಾದ ಹಕ್ಕುಪತ್ರಗಳು,
ಕಂದಾಯ ಇಲಾಖೆಯಿಂದ 94cc ಅಡಿ ನೀಡಲಾದ ಹಕ್ಕುಪತ್ರ,
ಅನುಮೋದಿತ ಬಡಾವಣೆಯಲ್ಲಿನ ಸ್ವತ್ತುಗಳು (ಸಕ್ಷಮ ಪ್ರಾಧಿಕಾರದಿಂದ ಮಾನ್ಯತೆ ಪಡೆದ ಬಡಾವಣೆ).

3. “ಬಿ” ರಿಜಿಸ್ಟರ್‌ನಲ್ಲಿ (B-Register) ನಮೂದಿಸಬೇಕಾದ ಆಸ್ತಿಗಳು ಯಾವುವು?
“ಬಿ” ರಿಜಿಸ್ಟರ್‌ನಲ್ಲಿ ಅನಧಿಕೃತ ಆಸ್ತಿಗಳನ್ನು ದಾಖಲಿಸಲಾಗುತ್ತದೆ, ಇವುಗಳ ಸಾಲಿಗೆ ಸೇರುವವು:
ಭೂ ಪರಿವರ್ತನೆ (Land conversion) ಯಾಗದ ಹಾಗೂ ಅನುಮೋದನೆ ಪಡೆಯದ ಬಡಾವಣೆಗಳಲ್ಲಿನ ನಿವೇಶನಗಳು/ಕಟ್ಟಡಗಳು,
ಭೂ ಪರಿವರ್ತನೆಯಿಲ್ಲದೇ ಉಪವಿಭಜನೆ ಮಾಡಿ ಮಾರಾಟ ಮಾಡಿರುವ ನಿವೇಶನ/ಕಟ್ಟಡಗಳು.

4. “ಬಿ” ರಿಜಿಸ್ಟರ್‌ನಲ್ಲಿರುವ ಆಸ್ತಿಗಳಿಗೆ ತೆರಿಗೆ ಅಥವಾ ದಂಡ ಹೇಗೆ ವಿಧಿಸಲಾಗುತ್ತದೆ?

ಮೊದಲ ಬಾರಿಗೆ 2ರಷ್ಟು ತೆರಿಗೆ ವಿಧಿಸಲಾಗುತ್ತದೆ.
ನಂತರದ ವರ್ಷಗಳಲ್ಲಿ ಸಾಮಾನ್ಯ ಆಸ್ತಿ ತೆರಿಗೆ ಮಾತ್ರ ವಿಧಿಸಲಾಗುತ್ತದೆ.

5. ಯಾವ ದಿನಾಂಕದವರೆಗೆ ಸೃಜನೆಯಾದ ಆಸ್ತಿಗಳನ್ನು “ಬಿ” ರಿಜಿಸ್ಟರ್‌ನಲ್ಲಿ ದಾಖಲಿಸಬೇಕು?
10-09-2024ರ ತಿದ್ದುಪಡಿ ಪ್ರಕಾರ, ಈ ದಿನಾಂಕದ ಮೊದಲು ನಿರ್ಮಿತ ಅನಧಿಕೃತ ಆಸ್ತಿಗಳನ್ನು “ಬಿ” ರಿಜಿಸ್ಟರ್‌ನಲ್ಲಿ ದಾಖಲಿಸಬಹುದು.

6. “ಬಿ” ರಿಜಿಸ್ಟರ್‌ನಲ್ಲಿ ದಾಖಲಿಸಲು ಬೇಕಾದ ದಾಖಲೆಗಳು (Documents) ಯಾವುವು?
ನೋಂದಾಯಿತ ಮಾರಾಟ ಪತ್ರಗಳು/ದಾನಪತ್ರ/ವಿಭಾಗ ಪತ್ರಗಳು,
ಸ್ವತ್ತಿನ ಮಾಲೀಕತ್ವವನ್ನು ಸಾಬೀತುಪಡಿಸುವ ದಾಖಲೆಗಳು.

7. ಯಾವ ವರ್ಷದಿಂದ “ಬಿ” ರಿಜಿಸ್ಟರ್‌ನಲ್ಲಿನ ಆಸ್ತಿಗಳಿಗೆ ತೆರಿಗೆ ವಿಧಿಸಲಾಗುತ್ತದೆ?
2024-25ನೇ ಸಾಲಿನಿಂದ “ಬಿ” ರಿಜಿಸ್ಟರ್‌ನಲ್ಲಿನ ಆಸ್ತಿಗಳಿಗೆ ಆಸ್ತಿ ತೆರಿಗೆ ವಿಧಿಸಲಾಗುತ್ತದೆ.

8. “ಬಿ” ರಿಜಿಸ್ಟರ್‌ನಲ್ಲಿ ದಾಖಲಿಸಲು ಅವಕಾಶವಿಲ್ಲದ ಆಸ್ತಿಗಳು ಯಾವುವು?
ಸರ್ಕಾರಿ ಜಾಗದಲ್ಲಿರುವ ಸ್ವತ್ತುಗಳು (Government owned Properties),
ಸರ್ಕಾರದ ನಿಗಮ ಮಂಡಳಿಗಳಿಗೆ ಸೇರಿದ ಜಾಗಗಳು,
ನಗರ ಸ್ಥಳೀಯ ಸಂಸ್ಥೆಗಳ ಜಾಗದಲ್ಲಿನ ಸ್ವತ್ತುಗಳು.

9. “ಬಿ” ರಿಜಿಸ್ಟರ್‌ನಲ್ಲಿರುವ ಆಸ್ತಿಗಳಿಗೆ ಖಾತಾ ನೀಡಬಹುದೇ?
ಹೌದು, “ಬಿ” ರಿಜಿಸ್ಟರ್‌ನಲ್ಲಿರುವ ಆಸ್ತಿಗಳಿಗೆ ಇ-ಆಸ್ತಿ ತಂತ್ರಾಂಶದ (software) ಮೂಲಕ ನಮೂನೆ 2ಎ/3ಎ ಸೃಜಿಸಿ ನೀಡಬಹುದು.

10. ಅನಧಿಕೃತ ಸ್ವತ್ತುಗಳಿಗೆ ನಮೂನೆ 2ಎ/3ಎ ನೀಡಿದರೆ, ಅದನ್ನು ಸಕ್ರಮಗೊಳಿಸಿದಂತೆ ಪರಿಗಣಿಸಲಾಗುತ್ತದೆಯೇ?
ಇಲ್ಲ. ಇದು ಕೇವಲ ಆಸ್ತಿ ತೆರಿಗೆ ವಿಧಿಸುವ ಉದ್ದೇಶಕ್ಕಾಗಿ ಮಾತ್ರ ಪ್ರತ್ಯೇಕ ವಹಿಯಾಗಿ ನಿರ್ವಹಿಸಲಾಗುತ್ತದೆ.

11. ಇ-ಖಾತಾ ಪಡೆಯಲು ಸಮಸ್ಯೆಗಳಿದ್ದರೆ ಯಾರನ್ನು ಸಂಪರ್ಕಿಸಬೇಕು?
ಸಂಬಂಧಿತ ನಗರ ಸ್ಥಳೀಯ ಸಂಸ್ಥೆಯಲ್ಲಿ ಸ್ಥಾಪಿಸಲಾದ ಸಹಾಯವಾಣಿಯನ್ನು ಸಂಪರ್ಕಿಸಬಹುದು.

12. ರಾಜ್ಯ ಮಟ್ಟದಲ್ಲಿ (State level) ಸಹಾಯಕ್ಕಾಗಿ ಯಾರನ್ನು ಸಂಪರ್ಕಿಸಬೇಕು?
ರಾಜ್ಯ ಮಟ್ಟದ ಸಹಾಯವಾಣಿ: 6366674001 ಸಂಪರ್ಕಿಸಬಹುದು.

ಇ-ಖಾತಾ ಪಡೆಯುವ ಸುಲಭ ವಿಧಾನ:

ಕರ್ನಾಟಕದ ಮಹಾನಗರ ಪಾಲಿಕೆಗಳು ಮತ್ತು ನಗರ ಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಮೇ 10, 2025ರ ವರೆಗೆ “ಇ-ಖಾತಾ ಅಭಿಯಾನ” (E-Khatha campaign) ಹಮ್ಮಿಕೊಳ್ಳಲಾಗಿದೆ. ಸಾರ್ವಜನಿಕರು ಈ ಅವಧಿಯಲ್ಲಿ ಸಂಬಂಧಪಟ್ಟ ನಗರ ಸ್ಥಳೀಯ ಸಂಸ್ಥೆಗಳಿಗೆ ಭೇಟಿ ನೀಡಿ ಇ-ಖಾತಾ ಪಡೆಯಬಹುದು.

ಇ-ಖಾತಾ ಪಡೆಯಲು ಬೇಕಾದ ದಾಖಲೆಗಳು (Documents) :

ಸರ್ಕಾರದಿಂದ ನೀಡಿದ ಗುರುತಿನ ಚೀಟಿ (ಆಧಾರ್ ಕಾರ್ಡ್, ಪಾನ್ ಕಾರ್ಡ್, ಇತ್ಯಾದಿ).
ಆಸ್ತಿ ಮಾಲೀಕರ ಪೋಟೋ.
ಮಾಲೀಕತ್ವ ದೃಢೀಕರಿಸುವ ನೋಂದಾಯಿತ ದಾಖಲೆಗಳು.
ಸ್ವತ್ತಿನ ಋಣಭಾರ ಪ್ರಮಾಣ ಪತ್ರ.
ಸ್ವತ್ತಿನ ಛಾಯಾಚಿತ್ರ.
ಆಸ್ತಿ ತೆರಿಗೆ ಪಾವತಿಸಿದ ರಶೀದಿ.

ಇ-ಖಾತಾ ಸಹಾಯವಾಣಿ (E-Katha Helpline):
ಸಾರ್ವಜನಿಕರು ತಮ್ಮ ಇ-ಖಾತಾ ಸಂಬಂಧಿತ ಸಮಸ್ಯೆಗಳಿಗೆ ಈ ಕೇಂದ್ರ ಸಹಾಯವಾಣಿ ಸಂಖ್ಯೆ (080-23003100) ಸಂಪರ್ಕಿಸಬಹುದು.

ಇ-ಖಾತಾ ವ್ಯವಸ್ಥೆಯ ಮೂಲಕ ಆಸ್ತಿ ವಿವರಗಳನ್ನು ಸಕಾರಾತ್ಮಕವಾಗಿ ದಾಖಲಿಸುವುದು ಸಾಧ್ಯವಾಗಿದೆ. ಸರ್ಕಾರದ ಈ ಹೊಸ ನಿಯಮಗಳು ಅನಧಿಕೃತ ಆಸ್ತಿ ವಹಿವಾಟು ತಡೆಯಲು, ಆಸ್ತಿ ತೆರಿಗೆ ಸಂಗ್ರಹ ಸುಗಮಗೊಳಿಸಲು, ಹಾಗೂ ಪೌರಾಡಳಿತ ವ್ಯವಸ್ಥೆ(Municipal system) ಯನ್ನು ಪಾರದರ್ಶಕಗೊಳಿಸಲು ಸಹಾಯ ಮಾಡಲಿವೆ. ಆದ್ದರಿಂದ, ನಿಮ್ಮ ಆಸ್ತಿ ಸಂಬಂಧಿತ ದಾಖಲೆಗಳನ್ನು ಶೀಘ್ರದಲ್ಲಿಯೇ ಇ-ಖಾತಾ ಪ್ರಕ್ರಿಯೆಗೆ ಅನುಗುಣವಾಗಿ ನವೀಕರಿಸಿ!

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ 👉 WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.