ನಿಮ್ಮ ಚಿನ್ನ, ನಿಮ್ಮ ಭವಿಷ್ಯ: ತಪ್ಪಾದ ಸಾಲ ನಿರ್ಧಾರದಿಂದ ಸಂಪತ್ತು ಕಳೆದುಕೊಳ್ಳಬೇಡಿ!

ಭಾರತದಲ್ಲಿ ಚಿನ್ನ ಕೇವಲ ಆಭರಣವಲ್ಲ, ಅದು ಸಂಪತ್ತಿನ ಸಂಕೇತ ಮತ್ತು ಆರ್ಥಿಕ ಸುರಕ್ಷಿತತೆಗೆದು ಪ್ರಮುಖ ಆಧಾರವಾಗಿದೆ. ಚಿನ್ನವನ್ನು ವೈವಾಹಿಕ ಉಡುಗೊರೆ ಸೇರಿದಂತೆ ಹಲವು ಸಂಪ್ರದಾಯಗಳ ಸಂಕೇತವಾಗಿಯೂ ಕೂಡ ನಾವು ಕಾಣುತ್ತೇವೆ. ಅದೇ ರೀತಿ ಚಿನ್ನವನ್ನು ನಾವು ಹೂಡಿಕೆ ಅಥವಾ ತುರ್ತು ಸಂದರ್ಭಗಳಲ್ಲಿ ಹಣಕಾಸಿನ ಮೂಲವಾಗಿ ಪರಿಗಣಿಸುತ್ತೇವೆ. ಇತ್ತೀಚಿನ ದಿನಗಳಲ್ಲಿ, ಚಿನ್ನದ ಮೇಲೆ ಸಾಲ ಪಡೆಯುವುದು ಸುಲಭವಾಗಿದೆ. ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು ಕಡಿಮೆ ಬಡ್ಡಿದರದಲ್ಲಿ ಮತ್ತು ಕನಿಷ್ಟ ದಸ್ತಾವೇಜುಗಳೊಂದಿಗೆ ಈ ಸೌಲಭ್ಯವನ್ನು ಒದಗಿಸುತ್ತಿವೆ. ಆದಾಗ್ಯೂ, ಈ ಅವಕಾಶದ ಹಿಂದೆ ಕೆಲವು ಅಪಾಯಗಳೂ ಇವೆ. ಮುಂದಿನ ದಿನಗಳಲ್ಲಿ ಆರ್ಥಿಕ ಸಂಕಷ್ಟಗಳನ್ನು ತಪ್ಪಿಸಲು ನಾವು ಕೆಲವು ಮಾರ್ಗಗಳನ್ನು ಅನುಸರಿಸಬೇಕು. ಯಾವ ರೀತಿಯ ಮಾರ್ಗಗಳನ್ನು ಅನುಸರಿಸಬೇಕು ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ.

ಚಿನ್ನದ ಸಾಲ ಬಹಳ ಸುಲಭವಾಗಿ ಸಿಗುತ್ತದೆ, ಆದರೆ ಜವಾಬ್ದಾರಿಯುತ ನಿರ್ಧಾರ ತೆಗೆದುಕೊಳ್ಳುವುದು ಅಗತ್ಯ :

ಬ್ಯಾಂಕುಗಳು, ಖಾಸಗಿ ಹಣಕಾಸು ಸಂಸ್ಥೆಗಳು ಮತ್ತು ಎನ್‌ಬಿಎಫ್‌ಸಿಗಳು (NBFCs) ಕಡಿಮೆ ಸಮಯದಲ್ಲಿ ಚಿನ್ನದ ಸಾಲ ನೀಡುವ ಸೇವೆಗಳನ್ನು ಒದಗಿಸುತ್ತಿವೆ. ಇದರಿಂದ, ತಕ್ಷಣದ ಹಣಕಾಸಿನ ಅಗತ್ಯವಿರುವ ಜನರು ಸುಲಭವಾಗಿ ಸಾಲ ಪಡೆಯುತ್ತಾರೆ. ಚಿನ್ನವನ್ನು ಒತ್ತೆಯಾಗಿ ಇಟ್ಟುಕೊಳ್ಳುವ ಬದಲಿಗೆ, ತಕ್ಷಣವೇ ಲೋನ್ ಅನುಮೋದನೆ ದೊರಕಬಹುದು. ಇದರಿಂದಾಗಿ, ಅಪೇಕ್ಷಿತ ಮೊತ್ತವನ್ನು ಕಡಿಮೆ ದಸ್ತಾವೇಜುಗಳೊಂದಿಗೆ ಪಡೆಯಬಹುದು.
ಆದಾಗ್ಯೂ, ಈ ಸುಲಭ ಲಭ್ಯತೆ ಕೆಲವೊಮ್ಮೆ ಆರ್ಥಿಕ ಸಂಕಷ್ಟಕ್ಕೆ ದಾರಿ ಮಾಡಿಕೊಡಬಹುದು. ತುರ್ತು ಅಗತ್ಯವಿಲ್ಲದ ಹೊರತಾಗಿ ಸಾಲ ಪಡೆಯುವುದರಿಂದ ಬಡ್ಡಿದರದ ಭಾರ ಹೆಚ್ಚಾಗಬಹುದು. ಅಲ್ಲದೆ, ಮರುಪಾವತಿಸಲು ವಿಫಲರಾದರೆ, ಚಿನ್ನ ಹರಾಜಾಗುವ ಸಾಧ್ಯತೆ ಇದೆ.

ಕಡಿಮೆ ಬಡ್ಡಿದರದಲ್ಲಿ ಅಡವಿಟ್ಟ ಚಿನ್ನ ಭದ್ರವಾಗಿರರುತ್ತದೆಯೇ?:

ಬ್ಯಾಂಕುಗಳು ಮತ್ತು ಖಾಸಗಿ ಹಣಕಾಸು ಸಂಸ್ಥೆಗಳು ತೀರಾ ಕಡಿಮೆ ಬಡ್ಡಿದರದಲ್ಲಿ ಚಿನ್ನದ ಸಾಲ ನೀಡುವಂತೆ ಪ್ರಚಾರ ಮಾಡುತ್ತವೆ. ಆದರೆ, ಪ್ರಾಮಾಣಿಕವಾಗಿ ನೋಡಿದರೆ, ಬಡ್ಡಿದರಗಳು ಸಂಸ್ಥೆಯಿಂದ ಸಂಸ್ಥೆಗೆ ಬದಲಾಗುತ್ತವೆ. ಕೆಲವು NBFCs ಬಹಳ ಹೈ ಬಡ್ಡಿದರ ವಿಧಿಸುತ್ತವೆ, ಇದು ಸುಧೀರ್ಘ ಅವಧಿಯ ಸಾಲಕ್ಕೆ ಆರ್ಥಿಕ ತೊಡಕು ಸೃಷ್ಟಿಸಬಹುದು.
ಚಿನ್ನವನ್ನು ಅಡವಿಡುವ ಮೊದಲು ಅದರ ಸುರಕ್ಷತೆ ಬಗ್ಗೆ ಖಚಿತಪಡಿಸಿಕೊಳ್ಳಬೇಕು. ಚಿನ್ನವನ್ನು ಆಯಾ ಸಂಸ್ಥೆಯ ಭದ್ರತಾ ಲಾಕರ್‌ಗಳಲ್ಲಿ ಇರಿಸಲಾಗುತ್ತದೆಯೇ? ವಿಮಾ ಸಹಾಯವಾಣಿ ಇದ್ದರೆ ಅದು ಹೇಗೆ ಕಾರ್ಯನಿರ್ವಹಿಸುತ್ತದೆ? ಈ ಎಲ್ಲ ಅಂಶಗಳ ಬಗ್ಗೆ ಗಮನ ಕೊಡಬೇಕು. ಹಲವಾರು ಕಾನೂನುಬಾಹಿರ ಹಣಕಾಸು ಸಂಸ್ಥೆಗಳು ತಮ್ಮ ಸುರಕ್ಷತಾ ವ್ಯವಸ್ಥೆಗಳನ್ನು ಸೂಕ್ತ ರೀತಿಯಲ್ಲಿ ನಿರ್ವಹಿಸುವುದಿಲ್ಲ, ಇದರಿಂದ ಗ್ರಾಹಕರಿಗೆ ಅಪಾಯ ಉಂಟಾಗಬಹುದು ಆದ್ದರಿಂದ ಗ್ರಾಹಕರು ಎಚ್ಚರಿಕೆಯಿಂದ ಇರಬೇಕು.

ಥರ್ಡ್ ಪಾರ್ಟಿಯ ಜೊತೆ ವ್ಯವಹಾರ ಮಾಡುವಾಗ ಎಚ್ಚರಿಕೆ ಅಗತ್ಯ!:

ಇತ್ತೀಚಿನ ದಿನಗಳಲ್ಲಿ ಕೆಲವು ಚಿನ್ನದ ಸಾಲ ನೀಡುವ ಸಂಸ್ಥೆಗಳು ಥರ್ಡ್ ಪಾರ್ಟಿ ಏಜೆನ್ಸಿಗಳನ್ನು ಬಳಸಿ ತಮ್ಮ ಸೇವೆಗಳನ್ನು ವಿಸ್ತರಿಸುತ್ತಿವೆ. ಇದು ಹಲವು ಬಾರಿ ಗ್ರಾಹಕರಿಗೆ ಅನ್ಯಾಯವಾಗುವಂತಹ ಪರಿಸ್ಥಿತಿಗಳನ್ನು ಉಂಟುಮಾಡಬಹುದು. ಉದಾಹರಣೆಗೆ, ಥರ್ಡ್ ಪಾರ್ಟಿ ಏಜೆನ್ಸಿಗಳು ಹೆಚ್ಚಿನ ಬಡ್ಡಿದರ, ಮರುಪಾವತಿ ಪ್ರಕ್ರಿಯೆಯ ಸಮಸ್ಯೆಗಳು ಅಥವಾ ಕಾನೂನುಬಾಹಿರ ಸಂಗ್ರಹ ವಿಧಾನಗಳನ್ನು ಅನುಸರಿಸಬಹುದು.
ಗ್ರಾಹಕರು ತಮ್ಮ ಚಿನ್ನವನ್ನು ಅಡವಿಡುವ ಮೊದಲು, ಆಯಾ ಸಂಸ್ಥೆಯ ನಡವಳಿಕೆ ಗಮನಿಸು ಮೌಲ್ಯಮಾಪನವನ್ನು ಮಾಡುವುದು ಅತ್ಯಗತ್ಯ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಅನುಮೋದಿತ ಸಂಸ್ಥೆಯಲ್ಲದೆ ಬೇರೆ ಯಾವುದೇ ಖಾಸಗಿ ಲೋನ್ ಸಂಸ್ಥೆಯಲ್ಲಿ ಚಿನ್ನವನ್ನು ಅಡವಿಡಬಾರದು.

ಚಿನ್ನದ ಸಾಲ ತೆಗೆದುಕೊಳ್ಳುವವರು ಈ ಸೂಕ್ತ ಮಾರ್ಗಗಳನ್ನು ಅನುಸರಿಸಿ :

ಆತುರತೆಯಿಂದ ಸಾಲಕ್ಕೆ ಹೋದರೆ ನಷ್ಟ ಖಚಿತ. ಆದ್ದರಿಂದ ತುರ್ತು ಅಗತ್ಯವಿದ್ದರೆ ಮಾತ್ರ ಚಿನ್ನದ ಲೋನ್ ತೆಗೆದುಕೊಳ್ಳಿ.
RBI ಮಾನ್ಯತೆ ಹೊಂದಿರುವ ಬ್ಯಾಂಕುಗಳು ಅಥವಾ NBFCs ನಂತಹ ಕಾನೂನುಬದ್ಧ ಸಂಸ್ಥೆಗಳನ್ನೇ ಆಯ್ಕೆಮಾಡಿ ಮಾತ್ರ ಸಾಲ ಪಡೆಯಿರಿ.
ಸಾಲದ ಅವಧಿ ಮತ್ತು ಇಎಂಐ ಲೆಕ್ಕಾಚಾರ ಮಾಡಿ ಸಾಲ ತೆಗೆದುಕೊಳ್ಳುವುದು ಸೂಕ್ತ.
ಸಂಸ್ಥೆ ನಿಮ್ಮ ಚಿನ್ನವನ್ನು ವಿಮೆ ಮಾಡುತ್ತದೆಯೇ ಎಂಬುದನ್ನು ಪರಿಶೀಲಿಸಿ ವಿಮಾ ಹೊಂದಿರುವ ಸಂಸ್ಥೆಯನ್ನೇ ಮಾತ್ರ ಆಯ್ಕೆಮಾಡಿ.
ಸಾಲ ಪಡೆಯುವ ಮೊದಲು ಹಲವು ಬ್ಯಾಂಕುಗಳ ಬಡ್ಡಿದರಗಳನ್ನು ಹೋಲಿಸಿ, ಅದರಲ್ಲಿ ಉತ್ತಮವಾಗಿರುವ ಬ್ಯಾಂಕ್ ಅನ್ನು ಆಯ್ಕೆ ಮಾಡಿಕೊಳ್ಳಿ.

ನಿಮ್ಮ ಚಿನ್ನ – ನಿಮ್ಮ ಭವಿಷ್ಯ! :

ಚಿನ್ನ ಆರ್ಥಿಕ ಸ್ಥಿರತೆಯ ಸಂಕೇತ, ಆದರೆ ಮುನ್ನೆಚ್ಚರಿಕೆಯಿಲ್ಲದೆ ಸಾಲ ಪಡೆಯಲು ಬಳಸಿದರೆ ಭವಿಷ್ಯದಲ್ಲಿನ ಆರ್ಥಿಕ ಸಂಕಷ್ಟಕ್ಕೆ ಕಾರಣವಾಗಬಹುದು. ನಿಮ್ಮ ಚಿನ್ನದ ಮೌಲ್ಯವನ್ನು ಸಮರ್ಥವಾಗಿ ಉಪಯೋಗಿಸಿ, ಅವಶ್ಯಕತೆ ಇದ್ದಲ್ಲಿ ಮಾತ್ರ ಚಿನ್ನದ ಸಾಲ ಪಡೆದುಕೊಳ್ಳಿ. ಬಡ್ಡಿದರ, ಭದ್ರತಾ ವ್ಯವಸ್ಥೆ, ಮರುಪಾವತಿ ಯೋಜನೆಗಳ ಬಗ್ಗೆ ಸಮಗ್ರ ಮಾಹಿತಿ ಪಡೆಯಿರಿ. ಇಲ್ಲವಾದರೆ, ಸಾಲದ ಬಾಧೆಯಿಂದ ಚಿನ್ನವನ್ನು ಕಳೆದುಕೊಳ್ಳುವ ಅಪಾಯ ಎದುರಾಗಬಹುದು.
ನಿಮ್ಮ ಚಿನ್ನವನ್ನು ಒತ್ತೆಯಿಡುವ ಮುನ್ನ ಎರಡು ಬಾರಿ ಯೋಚಿಸಿ, ಅದನ್ನು ಸುರಕ್ಷಿತವಾಗಿಟ್ಟುಕೊಳ್ಳಲು ಸೂಕ್ತ ಆಯ್ಕೆ ಮಾಡಿ!

ಈ ಮಾಹಿತಿಗಳನ್ನು ಓದಿ:

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.