ಮೈಕ್ರೋ ಫೈನಾನ್ಸ್ ಸಂಸ್ಥೆಗಳು (Micro Finance Institutions) ಸಾಲ ವಸೂಲಿ (Debt recovery) ನೆಪದಲ್ಲಿ ಸಾಲಗಾರರನ್ನು ಮಾನಸಿಕವಾಗಿ ಕಾಡಿ ಕಂಗೆಡಿಸುತ್ತಿರುವ ದೌರ್ಜನ್ಯಗಳಿಗೆ ಕಡಿವಾಣ ಹಾಕಲು ಕರ್ನಾಟಕ ಸರ್ಕಾರ ದಿಟ್ಟ ಹೆಜ್ಜೆ ಇಟ್ಟಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ನೇತೃತ್ವದಲ್ಲಿ ಜ. 25ರಂದು ನಡೆದ ಉನ್ನತ ಮಟ್ಟದ ಸಭೆಯಲ್ಲಿ ಈ ಬಗ್ಗೆ ತುರ್ತು ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಸರ್ಕಾರ ‘ಕರ್ನಾಟಕ ಮೈಕ್ರೋ ಫೈನಾನ್ಸ್ ಕಂಪನಿಗಳು (Karnataka Micro Finance Companies) (ಹಣ ಲೇವಾದೇವಿ ನಿಯಂತ್ರಣ) ಮಸೂದೆ-2025’ ಅನ್ನು ಮಂಡಿಸಿದ್ದು, ಇದನ್ನು ತಕ್ಷಣ ಜಾರಿಗೆ ತರುವ ಉದ್ದೇಶದಿಂದ ಸುಗ್ರೀವಾಜ್ಞೆ ಹೊರಡಿಸುವ ಯೋಜನೆಯನ್ನು ಹೂಡಿದೆ.

ಮಸೂದೆ ಪ್ರಕಾರ ಕೈಗೊಳ್ಳಲಿರುವ ಮುಖ್ಯ ಕ್ರಮಗಳು:

ಸಾಲ ವಸೂಲಾತಿಯಲ್ಲಿ ಕಿರುಕುಳ ಕೊಟ್ಟರೆ ಕಠಿಣ ಶಿಕ್ಷೆ: (Harassment in debt recovery is severe punishment):
ಸಾಲಗಾರರಿಗೆ ಕಿರುಕುಳ ನೀಡಿದರೆ 3 ವರ್ಷ ಜೈಲು ಶಿಕ್ಷೆ ಮತ್ತು ₹1 ಲಕ್ಷ ದಂಡ ವಿಧಿಸಲಾಗುವುದು.
ಯಾವುದೇ ಬಲವಂತದ ಅಥವಾ ಅಪಮಾನಕರ ಕ್ರಮಗಳನ್ನು ಅನುಸರಿಸಿದರೆ ಸಾಲದಾತನ ನೋಂದಣಿಯನ್ನು ರದ್ದು ಮಾಡಲಾಗುವುದು.

ನೋಂದಣಿ ಕಡ್ಡಾಯ (Registration is mandatory): ರಾಜ್ಯದಲ್ಲಿ ಕಾರ್ಯನಿರ್ವಹಿಸುವ ಎಲ್ಲ ಮೈಕ್ರೋ ಫೈನಾನ್ಸ್ ಸಂಸ್ಥೆಗಳು ಸರ್ಕಾರದ ‘ನೋಂದಣಿ ಪ್ರಾಧಿಕಾರ’ದಲ್ಲಿ ನೋಂದಾಯಿಸಿಕೊಳ್ಳಬೇಕು.
ನೋಂದಣಿ ಮಾಡದೇ ಸಾಲ ವಹಿವಾಟು ನಡೆಸಿದರೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು.
ಕಂಪನಿಗಳು ಸಾಲ ಬಡ್ಡಿದರ, ವಸೂಲಾತಿ ವಿಧಾನ, ಸಾಲ ಮಂಜೂರಾತಿ ನಿಯಮಗಳು ಸೇರಿದಂತೆ ಎಲ್ಲಾ ಮಾಹಿತಿ ಕಡ್ಡಾಯವಾಗಿ ಹಂಚಬೇಕು.

ಸಾಲ ಮಿತಿಗೆ ಹೊಸ ನಿಯಮ (New rule for loan limit): ಒಬ್ಬ ಸಾಲಗಾರ ಕೇವಲ 2 ಸಂಸ್ಥೆಗಳಿಂದ ಮಾತ್ರ ಸಾಲ ಪಡೆಯಲು ಅವಕಾಶ. ಒಟ್ಟು ಸಾಲದ ಮೊತ್ತ ₹2 ಲಕ್ಷ ಮೀರಬಾರದು. ಕಾಫಿ ಎಸ್ಟೇಟ್ ಮತ್ತು ಎಣ್ಣೆಗಿರಣಿಗಳ ಕಾರ್ಮಿಕರಿಗೆ ₹30,000 – ₹3,50,000 ಸಾಲ ಮಿತಿಯನ್ನು ನಿಗದಿಪಡಿಸಲಾಗಿದೆ.

ಬಡ್ಡಿ ದರ ಮತ್ತು ವಸೂಲಾತಿ ನಿಯಂತ್ರಣ (Regulation of interest rate and recovery):
ಸಾಲ ನೀಡುವ ಮೊದಲು ಕಡ್ಡಾಯವಾಗಿ KYC ಪರಿಶೀಲನೆ ಮಾಡಬೇಕು.
ಆರ್‌ಬಿಐ (RBI) ನಿಯಮಾವಳಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು.
ಬಡ್ಡಿದರವನ್ನು ಓಪಾಗಿ ಹಂಚಿ, ಸಾಲ ಮಂಜೂರಾತಿ ಕಾರ್ಡ್ ಅಥವಾ ಪತ್ರವನ್ನು ನೀಡುವುದು ಕಡ್ಡಾಯ.

ನ್ಯಾಯಾಂಗ ಕ್ರಮಗಳು(Judicial proceedings):
ಸಾಲ ವಹಿವಾಟಿನ ಸಂಬಂಧ ತ್ವರಿತ ನ್ಯಾಯಾಲಯ ಸ್ಥಾಪನೆ.
ಈ ನ್ಯಾಯಾಲಯದಲ್ಲಿ 6 ತಿಂಗಳೊಳಗೆ ಪ್ರಕರಣಗಳನ್ನು ಇತ್ಯರ್ಥಪಡಿಸಲು ಕಾನೂನು ಬದ್ಧ ಕ್ರಮ.
ಸಿವಿಲ್ ಪ್ರಕ್ರಿಯಾ ಸಂಹಿತೆ-1908ನಡಿ ತ್ವರಿತ ನ್ಯಾಯದಾನ.

ಮಾಸಿಕ ವರದಿ ಸಲ್ಲಿಕೆ ಮತ್ತು ಪರಿ‍ಶೀಲನೆ (Monthly report submission and review):
ಪ್ರತಿಯೊಂದು ಮೈಕ್ರೋ ಫೈನಾನ್ಸ್ ಕಂಪನಿಯು ಪ್ರತಿ ತಿಂಗಳು 10ನೇ ತಾರೀಕಿಗೆ ಮುಂಚಿತವಾಗಿ ಸರ್ಕಾರಕ್ಕೆ ಲೆಕ್ಕ ನೀಡಬೇಕು.
ಸಾಲ ವಹಿವಾಟಿನ ಪೂರ್ಣ ವರದಿ, ಸಾಲಗಾರರ ವಿವರ, ಬಡ್ಡಿದರ ವಿವರ ಒದಗಿಸಬೇಕು.
ತಪ್ಪಾದ ಮಾಹಿತಿ ನೀಡಿದರೆ ಅಥವಾ ನಿಯಮ ಪಾಲಿಸದಿದ್ದರೆ, ಪ್ರಾಧಿಕಾರವು ಕಂಪನಿಯ ದಾಖಲೆಗಳನ್ನು ಜಪ್ತಿ ಮಾಡುವ ಅಧಿಕಾರ ಹೊಂದಿರುತ್ತದೆ.

ಸಾಲ ವಸೂಲಾತಿಯ ಹೊಸ ನಿಯಮಗಳು:

ವಸೂಲಿ ಏಜೆಂಟರನ್ನು ನಿಯೋಜಿಸುವಂತಿಲ್ಲ.
ಸಾಲ ವಸೂಲಿಗಾಗಿ ಮನೆಗೆ ಭೇಟಿ ಕೊಡುವಂತಿಲ್ಲ.
ಯಾವುದೇ ರೀತಿಯ ದಬ್ಬಾಳಿಕೆ, ಧಮಕಿ, ಅವಮಾನಾತ್ಮಕ ವರ್ತನೆ ತೋರಿದರೆ ಕಠಿಣ ಕಾನೂನು ಕ್ರಮ.
ವಿಳಂಬ ಪಾವತಿಗೆ ಹೆಚ್ಚುವರಿ ದಂಡ ವಿಧಿಸುವಂತಿಲ್ಲ.

ಸರ್ಕಾರದ ಈ ಹೆಜ್ಜೆ ಯಾಕೆ ಮಹತ್ವದಾಗಿದೆ?

ಕರ್ನಾಟಕ ಸರ್ಕಾರದ ಈ ನಿರ್ಧಾರ ರಾಜ್ಯದ ಸಾವಿರಾರು ಸಾಲಗಾರರಿಗೆ ನ್ಯಾಯ ಒದಗಿಸುವ ಮಹತ್ವದ ಹೆಜ್ಜೆ. ಕಳೆದ ಕೆಲವು ವರ್ಷಗಳಿಂದ ಮೈಕ್ರೋ ಫೈನಾನ್ಸ್ ಕಂಪನಿಗಳು, ಹೈ ಬಡ್ಡಿದರ, ಹಿಂಸಾತ್ಮಕ ವಸೂಲಾತಿ, ಮಾನಸಿಕ ಒತ್ತಡ ಮುಂತಾದವುಗಳಿಂದ ಸಾಲಗಾರರನ್ನು ತೀವ್ರ ಸಂಕಷ್ಟಕ್ಕೆ ತಳ್ಳಿವೆ. ಹಲವರು ಪ್ರಾಣ ಕಳೆದುಕೊಳ್ಳುವ ಘಟನೆಗಳೂ ನಡೆದಿದೆ. ಸರ್ಕಾರದ ಹೊಸ ಮಸೂದೆ ಮೈಕ್ರೋ ಫೈನಾನ್ಸ್ ಉದ್ಯಮದ ನಿಯಂತ್ರಣಕ್ಕೆ, ಸಾಲಗಾರರ ಹಿತರಕ್ಷಣೆಗೆ ಮತ್ತು ಹಣಕಾಸು ವಹಿವಾಟಿನ ಪಾರದರ್ಶಕತೆಗೆ ಸಹಾಯ ಮಾಡಲಿದೆ.

ಸಂಕ್ಷಿಪ್ತವಾಗಿ, ಈ ಕಾನೂನು ಜಾರಿಯಾದರೆ ಸಾಲಗಾರರು ಸುರಕ್ಷಿತ, ಸಾಲದಾತರು ನಿಯಂತ್ರಿತ, ಹಣಕಾಸು ವ್ಯವಸ್ಥೆ ಶಿಸ್ತುಬದ್ಧವಾಗಲಿದೆ.ಮತ್ತು ಇಂತಹ ಉತ್ತಮವಾದ ಮಾಹಿತಿಯನ್ನು ನೀವು ತಿಳಿದಮೇಲೆ ಈ ಮಾಹಿತಿಯನ್ನು ಕೂಡಲೇ ನಿಮ್ಮೆಲ್ಲಾ ಸ್ನೇಹಿತರೊಂದಿಗೆ ಹಾಗೂ ಬಂಧುಗಳಿಗೆ ಶೇರ್ ಮಾಡಿ, ಧನ್ಯವಾದಗಳು.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ.