ಮೇ 1ರಿಂದ ಹಣಕಾಸು ಲೋಕದಲ್ಲಿ ಭಾರಿ ಬದಲಾವಣೆ: ಬ್ಯಾಂಕಿಂಗ್, ಜಿಎಸ್‌ಟಿ, ಡಿಜಿಟಲ್ ವಹಿವಾಟಿನಲ್ಲಿ ಹೊಸ ನಿಯಮಗಳು ಜಾರಿಗೆ!

ಭಾರತದ ಹಣಕಾಸು ವ್ಯವಸ್ಥೆಯಲ್ಲಿ ಮೇ 1, 2025 ರಿಂದ ಮಹತ್ವಪೂರ್ಣ ಬದಲಾವಣೆಗಳು ಜಾರಿಗೊಳ್ಳಲಿವೆ. ಬ್ಯಾಂಕಿಂಗ್, ತೆರಿಗೆ, ಡಿಜಿಟಲ್ ಪಾವತಿ ವ್ಯವಸ್ಥೆ (Digital payment service) ಮತ್ತು ಗ್ರಾಹಕ ಸೇವೆಗಳ ಪ್ರಮುಖ ನಿಯಮಗಳಲ್ಲಿ ಬದಲಾವಣೆಗಳು ನಡೆಯಲಿದ್ದು, ಇದು ನೈಜವಾಗಿ ಪ್ರತಿ ನಾಗರಿಕನ ಜೀವನ ಶೈಲಿಗೆ, ವೆಚ್ಚದ ಚಟುವಟಿಕೆಗೆ ಮತ್ತು ಆರ್ಥಿಕ ನಿರ್ವಹಣೆಗೆ ನೇರವಾಗಿ ಪರಿಣಾಮ ಬೀರುವಂತಾಗಿದೆ. ಈ ಬದಲಾವಣೆಗಳ ಹಿನ್ನಲೆಯಲ್ಲಿ ಬ್ಯಾಂಕಿಂಗ್ ವ್ಯವಸ್ಥೆಯನ್ನು (Banking service) ಹೆಚ್ಚು ಪಾರದರ್ಶಕ, ಸುಲಭ ಮತ್ತು ಸುರಕ್ಷಿತಗೊಳಿಸುವ ಉದ್ದೇಶವಿದೆ. ಜತೆಗೆ, ಡಿಜಿಟಲ್ ವಹಿವಾಟುಗಳನ್ನು ಉತ್ತೇಜಿಸುವುದರೊಂದಿಗೆ ವಂಚನೆಗಳನ್ನು ತಡೆಗಟ್ಟುವ ಪ್ರಯತ್ನವೂ ಇದರಲ್ಲಿ ಅಡಕವಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಈ ಬದಲಾವಣೆಗಳು ಕೇವಲ ಮಹಾನಗರಗಳು ಅಥವಾ ಉದ್ಯಮಗಳಿಗೆ ಸೀಮಿತವಲ್ಲ, ಗ್ರಾಮೀಣ ಪ್ರದೇಶದ ಖಾತೆದಾರರು, ಸಣ್ಣ ಉದ್ಯಮಿಗಳು, ಹಾಗೂ ಸಾಮಾನ್ಯ ಗ್ರಾಹಕರ ಮೇಲೂ ಇದರ ಪ್ರಭಾವ ಬೀರುತ್ತದೆ. ಆದ್ದರಿಂದ, ಈ ಹೊಸ ನಿಯಮಗಳ ಬಗ್ಗೆ ವಿವರವಾಗಿ ತಿಳಿದುಕೊಂಡು, ಮುಂಚಿತವಾಗಿ ತಯಾರಿ ಮಾಡಿಕೊಳ್ಳುವುದು ಅನಿವಾರ್ಯವಾಗಿದೆ. ಹಾಗಿದ್ದರೆ ಆ ನಿಯಮಗಳ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ.

1. ಎಟಿಎಂ ವಹಿವಾಟು ಶುಲ್ಕಗಳ ಬದಲಾವಣೆ (Change in ATM transaction fees) :

ಮೇ 1, 2025 ರಿಂದ ಎಟಿಎಂ ವಹಿವಾಟಿನಲ್ಲಿ ಉಚಿತ ಮಿತಿಯನ್ನು ಮೀರಿದ ನಂತರ ಪ್ರತಿಯೊಂದು ಹೆಚ್ಚುವರಿ ವಹಿವಾಟಿಗೆ ₹23 + ಜಿಎಸ್‌ಟಿ ಶುಲ್ಕ (GST fee) ವಿಧಿಸಲಾಗುತ್ತದೆ. ಈ ಹಿಂದೆ ಈ ಶುಲ್ಕ ₹21 ಇತ್ತು.

ಉಚಿತ ವಹಿವಾಟು ಮಿತಿಗಳು ಹೀಗಿವೆ:
ಸ್ವಂತ ಬ್ಯಾಂಕ್ ಎಟಿಎಂನಲ್ಲಿ 5 ಉಚಿತ ವಹಿವಾಟುಗಳು (Free transaction).
ಇತರ ಬ್ಯಾಂಕುಗಳ ಎಟಿಎಂಗಳಲ್ಲಿ 3 ಉಚಿತ ವಹಿವಾಟುಗಳು.
ಗ್ರಾಮೀಣ ಪ್ರದೇಶಗಳಲ್ಲಿ 10-15 ಉಚಿತ ವಹಿವಾಟುಗಳು.
ಹಿರಿಯ ನಾಗರೀಕರಿಗೆ 10 ಉಚಿತ ವಹಿವಾಟುಗಳು.

ಇತರ ಶುಲ್ಕಗಳು (Other fee) ಯಾವರೀತಿಯಿವೆ?:
ಬ್ಯಾಲೆನ್ಸ್ ಚೆಕ್, ಮಿನಿ ಸ್ಟೇಟ್ಮೆಂಟ್, ಪಿನ್ ಬದಲಾವಣೆ: ₹9 + ಜಿಎಸ್‌ಟಿ.
ವಹಿವಾಟು ವಿಫಲವಾದರೆ (ಅಪರ್ಯಾಪ್ತ ಶೆಷ): ₹25 + ಜಿಎಸ್‌ಟಿ.

2. ಬ್ಯಾಂಕ್ ಖಾತೆ ಪರಿಶೀಲನೆ ಮತ್ತು PPS ವ್ಯವಸ್ಥೆ(Bank account verification and PPS system):

UPI, RTGS ಮತ್ತು NEFT ಮೂಲಕ ಹಣ ವರ್ಗಾವಣೆ ಮಾಡುವಾಗ, ಬ್ಯಾಂಕ್ ಖಾತೆ ಸಂಖ್ಯೆಯನ್ನು ನಮೂದಿಸಿದ ಕೂಡಲೇ ಖಾತೆದಾರರ ಹೆಸರು ದೃಢೀಕರಣ ಅಗತ್ಯವಾಗುತ್ತದೆ.
ಚೆಕ್ ಪಾವತಿ (Check payment) ವ್ಯವಸ್ಥೆಯಲ್ಲಿ, ₹50,000ಕ್ಕಿಂತ ಮೇಲ್ಪಟ್ಟ ಚೆಕ್‌ಗಳಿಗೆ “ಪಾಸಿಟಿವ್ ಪೇ ಸಿಸ್ಟಮ್” (PPS) ಕಡ್ಡಾಯವಾಗಿದ್ದು, ಚೆಕ್ ವಿವರಗಳನ್ನು ಮುಂಚಿತವಾಗಿ ಬ್ಯಾಂಕಿಗೆ ತಿಳಿಸಬೇಕಾಗಿದೆ.

3. ಜಿಎಸ್‌ಟಿ ಸಂಬಂಧಿಸಿದ ಬದಲಾವಣೆಗಳು (GST related Changes) :

ಬಹು ಅಂಶ ದೃಢೀಕರಣ (MFA): ಎಲ್ಲಾ ಜಿಎಸ್‌ಟಿ ಬಳಕೆದಾರರಿಗೆ ಲಾಗಿನ್ ಮಾಡುವಾಗ OTP ಅವಶ್ಯಕತೆ.
ಇ-ವೇ ಬಿಲ್ ನವೀಕರಣ: ವರ್ಷಕ್ಕೆ ₹10 ಕೋಟಿ ಮೀರಿದ ವ್ಯವಹಾರಗಳಲ್ಲಿ 30 ದಿನಗಳೊಳಗೆ ಇನ್‌ವಾಯ್ಸ್ ನೋಂದಣಿ ಕಡ್ಡಾಯ. ಇಲ್ಲದಿದ್ದರೆ ಇನ್‌ವಾಯ್ಸ್ ಅಮಾನ್ಯವಾಗುತ್ತದೆ.
ಹೋಟೆಲ್ ಸೇವೆಗಳಲ್ಲಿ ಜಿಎಸ್‌ಟಿ: ಐಟಿಸಿ (Input Tax Credit) ಪಡೆಯುವ ಹೋಟೆಲ್ ಸೇವೆಗಳಿಗೆ ಈಗ 18% ಜಿಎಸ್‌ಟಿ ಅನ್ವಯಿಸುತ್ತದೆ, ಇದರಿಂದ ಆಹಾರ ಖರ್ಚು ಹೆಚ್ಚಾಗಬಹುದು.
ವಾಹನಗಳ ಮಾರಾಟದ ಮೇಲೆ ಜಿಎಸ್‌ಟಿ: ಹಳೆಯ ಮತ್ತು ಎಲೆಕ್ಟ್ರಿಕ್ ಕಾರುಗಳ ಮಾರಾಟದ ಮೇಲಿನ ಜಿಎಸ್‌ಟಿ ಶೇ. 12ರಿಂದ ಶೇ. 18ಕ್ಕೆ ಹೆಚ್ಚಿಸಲಾಗಿದೆ.

4. ಆರ್‌ಆರ್‌ಬಿಗಳ ವಿಲೀನ (Merger of RRBs) :

11 ರಾಜ್ಯಗಳ 15 ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳನ್ನು ವಿಲೀನಗೊಳಿಸಿ ಆರ್‌ಆರ್‌ಬಿಗಳ ಸಂಖ್ಯೆಯನ್ನು 43ರಿಂದ 28ಕ್ಕೆ ಇಳಿಸಲಾಗುತ್ತದೆ. ಇದರಿಂದ ಗ್ರಾಮೀಣ ಬ್ಯಾಂಕಿಂಗ್ ಸೇವೆಗಳು ಬಲಿಷ್ಠ ಮತ್ತು ಏಕರೂಪವಾಗುತ್ತವೆ.

5. ಬ್ಯಾಂಕುಗಳ ವೆಬ್‌ಸೈಟ್ ಡೊಮೇನ್ ಬದಲಾವಣೆ(Banks website domain change) :

ಆರ್‌ಬಿಐ (RBI) ನಿರ್ದೇಶನದಂತೆ, ಎಲ್ಲಾ ಬ್ಯಾಂಕುಗಳು ತಮ್ಮ ವೆಬ್‌ಸೈಟ್‌ಗಳನ್ನು “bank.in” ಡೊಮೇನ್‌ಗೆ ಸ್ಥಳಾಂತರಿಸಬೇಕು. ಇದರಿಂದ ಆನ್‌ಲೈನ್ ಬ್ಯಾಂಕಿಂಗ್ (Online banking) ಹೆಚ್ಚು ಸುರಕ್ಷಿತವಾಗಲಿದೆ. ಈ ಬದಲಾವಣೆಯನ್ನು ಅಕ್ಟೋಬರ್ 31, 2025ರೊಳಗೆ ಪೂರ್ಣಗೊಳಿಸಬೇಕಾಗಿದೆ.

6. ಅಪ್ರಾಪ್ತವಯಸ್ಕರ ಬ್ಯಾಂಕ್ ಖಾತೆ ನಿಯಮಗಳು (Bank account rules) :

ಈಗ 10 ವರ್ಷ ಅಥವಾ ಹೆಚ್ಚಿನ ವಯಸ್ಸಿನ ಮಕ್ಕಳು ತಮ್ಮದೇ ಆದ ಬ್ಯಾಂಕ್ ಖಾತೆಯನ್ನು ತೆರೆಯಲು ಅರ್ಹರಾಗಿದ್ದಾರೆ. ಬ್ಯಾಂಕುಗಳು ತಮ್ಮ ವೈಯಕ್ತಿಕ ನೀತಿಗಳಂತೆ ಖಾತೆ ನಿರ್ವಹಣೆಗೆ ಶರತ್ತುಗಳನ್ನು ನಿರ್ಧರಿಸಬಹುದು.

7. ಡಿಜಿಟಲ್ ವಹಿವಾಟು ಸುಧಾರಣೆ (Digital transaction improvement) :

UPI ಲೈಟ್ ಬಳಕೆದಾರರಿಗೆ: ಈಗ ವ್ಯಾಲೆಟ್ ಹಣವನ್ನು ನೇರವಾಗಿ ಮುಖ್ಯ ಖಾತೆಗೆ ವರ್ಗಾಯಿಸಲು ಅವಕಾಶ.
RTGS/NEFT ವಹಿವಾಟುಗಳಲ್ಲಿ ಖಾತೆ ಹೆಸರು ದೃಢೀಕರಣ: ತಪ್ಪು ಖಾತೆಗೆ ಹಣ ವರ್ಗಾವಣೆ ತಪ್ಪಿಸಲು ಕ್ರಮ.

8. ಫಾಸ್ಟ್ಯಾಗ್ ಕಡ್ಡಾಯ(FASTag is mandatory):

ಪ್ರತಿಯೊಂದು ವಾಹನಕ್ಕೂ ಫಾಸ್ಟ್ಯಾಗ್ ಕಡ್ಡಾಯವಾಗಿದ್ದು, ಪಾವತಿಯನ್ನು ವೇಗವಾಗಿ ಮತ್ತು ನಿಷ್ಕಳಂಕವಾಗಿ ಮಾಡುವ ಉದ್ದೇಶವಿದೆ.

9. ಬ್ಯಾಂಕ್ ಸೇವಾ ಶುಲ್ಕ ಮತ್ತು ನಿರ್ವಹಣೆ(Bank service fees and maintenance) :

ಎಟಿಎಂ ನಿರ್ವಹಣೆ ವೆಚ್ಚಗಳ ಏರಿಕೆ, ಡಿಜಿಟಲ್ ಪಾವತಿಯ ಪ್ರಬಲತೆಯ ದಿಟ್ಟ ಚಿತ್ರಣ ಮತ್ತು ಗ್ರಾಹಕರಿಗೆ ಉತ್ತಮ ಮೂಲಸೌಕರ್ಯ ಒದಗಿಸುವ ನಿಟ್ಟಿನಲ್ಲಿ ಬ್ಯಾಂಕ್‌ಗಳು ತಮ್ಮ ಸೇವಾ ಶುಲ್ಕಗಳನ್ನು ಬದಲಾಯಿಸುತ್ತಿವೆ.

10. ಜಿಎಸ್‌ಟಿ ಸ್ಲ್ಯಾಬ್‌ಗಳಲ್ಲಿ ಮುಂದಿನ ಬದಲಾವಣೆಗಳ ನಿರೀಕ್ಷೆ(Expectations for further changes in GST slabs) :

ಅಡಚಣೆರಹಿತ ತೆರಿಗೆ ಸಂಗ್ರಹ ಮತ್ತು ಡಿಜಿಟಲ್ ಆರ್ಥಿಕತೆಯನ್ನು ಉತ್ತೇಜಿಸುವ ನಿಟ್ಟಿನಲ್ಲಿ, ಮುಂದೆ ಜಿಎಸ್‌ಟಿ ದರಗಳಲ್ಲಿ ಇನ್ನೂ ಹೆಚ್ಚಿನ ಬದಲಾವಣೆಗಳು ಸಾಧ್ಯ.

ಮೇ 1, 2025 ರಿಂದ ಬರುವ ಈ ನಿಯಮ ಬದಲಾವಣೆಗಳು ನಿಮ್ಮ ಬ್ಯಾಂಕಿಂಗ್, ಹಣಕಾಸು ನಿರ್ವಹಣೆ ಮತ್ತು ವ್ಯವಹಾರ ಮಾದರಿಗಳ ಮೇಲೆ ನೇರವಾಗಿ ಪ್ರಭಾವ(impact) ಬೀರುತ್ತವೆ. ಆದ್ದರಿಂದ, ಈ ಬದಲಾವಣೆಗಳನ್ನು ಸಮರ್ಥವಾಗಿ ಅರ್ಥಮಾಡಿಕೊಂಡು, ಅಗತ್ಯ ತಿದ್ದುಪಡಿಸಿಕೊಳ್ಳುವುದು ನಿಮ್ಮ ಆರ್ಥಿಕ ಪರಿಸ್ಥಿತಿಯನ್ನು ಬಲಪಡಿಸಲು ಸಹಾಯಕವಾಗುತ್ತದೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.