ಪಿಯುಸಿ ಕಾಮರ್ಸ್ ಪಾಸಾದ ನಂತರ ಏನು ಮಾಡಬೇಕು? ಈ ಪ್ರಶ್ನೆ ನಿಮ್ಮನ್ನು ಕಾಡುತ್ತಿದೆಯೇ? ಚಿಂತಿಸಬೇಡಿ, ನೀವು ಒಬ್ಬಂಟಿಯಲ್ಲ. ಯಾವ ಕೋರ್ಸ್ ಓದಿದರೆ ಉತ್ತಮ ಭವಿಷ್ಯವನ್ನು ರೂಪಿಸಿಕೊಳ್ಳಬಹುದು ಎಂಬ ಚಿಂತೆ ಎಲ್ಲಾ ವಿದ್ಯಾರ್ಥಿಗಳಿಗೂ ಇರುತ್ತದೆ. ಇವತ್ತಿನ ವರದಿಯಲ್ಲಿ ನಾವು ಪಿಯು ಕಾಮರ್ಸ್ ಪಾಸಾದ ವಿದ್ಯಾರ್ಥಿಗಳಿಗೆ 2024 ರಲ್ಲಿ ಟಾಪ್ ಡಿಮ್ಯಾಂಡಿಂಗ್ ಕರಿಯರ್ ಆಯ್ಕೆಗಳ(Career choices) ಕುರಿತು ತಿಲಿಸಿಕೊಡಲಿದ್ದೇವೆ. ನೀವು ಕೂಡಾ ಉತ್ತಮ ಹಾಗೂ ಬೆಸ್ಟ್ ಕರಿಯರ್ ಅಯ್ಕೆಗಾಗಿ ಹುಡ್ಕುತ್ತಿದ್ದರೆ ಈ ವರದಿ ನಿಮಗೆ ನಿಮ್ಮ ಆಸಕ್ತಿಯುಳ್ಳ ವಿಷಯವನ್ನು ಅಯ್ಕೆ ಮಾಡಲೂ ಸಹಾಯಮಾಡುತ್ತದೆ. ಇದೇ ರೀತಿಯ ಎಲ್ಲಾ ಮಾಹಿತಿ & ನ್ಯೂಸ್ ಅಲರ್ಟ್ ಗಳಿಗಾಗಿ ನಮ್ಮ ಟೆಲಿಗ್ರಾಂ ಚಾನೆಲ್ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

ಪಿಯುಸಿ ಕಾಮರ್ಸ್ ವಿದ್ಯಾರ್ಥಿಗಳಿಗೆ ವೃತ್ತಿ ಮಾರ್ಗದರ್ಶನ:

ಪಿಯುಸಿ ಕಾಮರ್ಸ್ ಅಥವಾ 12ನೇ ತರಗತಿ ವಾಣಿಜ್ಯ ವಿಭಾಗದಲ್ಲಿ ಉತ್ತೀರ್ಣರಾದ ವಿದ್ಯಾರ್ಥಿಗಳಿಗೆ, ಭವಿಷ್ಯದ ವೃತ್ತಿ ಜೀವನದ ಬಗ್ಗೆ ಯೋಚಿಸುವ ಸಮಯ ಬಂದಿದೆ. ಭಾರತ, ಒಂದು ಯುವ ರಾಷ್ಟ್ರ, ಅಭಿವೃದ್ಧಿಯ ಹಾದಿಯಲ್ಲಿ ಚಲಿಸುತ್ತಿದೆ. ಈ ಚಲನೆಯನ್ನು ಮುಂದುವರೆಸಲು, ಉದ್ಯೋಗ ಸೃಷ್ಟಿ ಮತ್ತು ಜನಸಂಖ್ಯೆಯ ಕೌಶಲ್ಯ ವೃದ್ಧಿ ಅತ್ಯಗತ್ಯ. ಈ ಗುರಿಗಳನ್ನು ಸಾಧಿಸಲು, ಸಾಂಪ್ರದಾಯಿಕ ಶಿಕ್ಷಣ ವ್ಯವಸ್ಥೆಗಳನ್ನು ಪರಿಷ್ಕರಿಸಿ, ವಿನೂತನ ಕೋರ್ಸ್‌ಗಳನ್ನು ಪರಿಚಯಿಸುವುದು ಅಗತ್ಯವಾಗಿದೆ.

ನಿಮ್ಮ ವೃತ್ತಿಜೀವನದ ಯಶಸ್ಸಿಗೆ ನಿಮ್ಮ ಆಸಕ್ತಿಗಳು, ಸಾಮರ್ಥ್ಯಗಳು ಮತ್ತು ಆಕಾಂಕ್ಷೆಗಳು ಅತ್ಯಂತ ಮಹತ್ವದ ಅಂಶವಾಗಿದೆ. ಈ ಮೂರು ಅಂಶಗಳನ್ನು ಪರಿಗಣಿಸಿ, ನಿಮಗೆ ಸೂಕ್ತವಾದ ವೃತ್ತಿ ಮಾರ್ಗವನ್ನು ಆಯ್ಕೆ ಮಾಡಲು ಕೆಲವು ಸಲಹೆಗಳು ಈ ಲೇಖನದಲ್ಲಿ ನೀಡಲಾಗಿದೆ.

ನಿಮ್ಮ ಆಸಕ್ತಿ, ಸಾಮರ್ಥ್ಯ ಮತ್ತು ಗುರಿಗಳಿಗೆ ಅನುಗುಣವಾಗಿ ಕೆಲವು ಜನಪ್ರಿಯ ಮತ್ತು ಭವಿಷ್ಯದ ಭರವಸೆಯ ವೃತ್ತಿ ಆಯ್ಕೆಗಳು ಇಲ್ಲಿವೆ:

ಕಾಮರ್ಸ್ ವಿದ್ಯಾರ್ಥಿಗಳಿಗೆ ವಿಶೇಷ ಬಿಸಿಎ ಕೋರ್ಸ್

ಬಿಸಿಎ : ಬ್ಯಾಚುಲರ್ ಆಫ್ ಕಂಪ್ಯೂಟರ್ ಅಪ್ಲಿಕೇಶನ್

ಬಿಸಿಎ ಡಿಗ್ರಿ ಕಾಮರ್ಸ್ ವಿದ್ಯಾರ್ಥಿಗಳಿಗೆ ಒಂದು ಸುವರ್ಣ ಅವಕಾಶವಾಗಿದ್ದು, ಐಟಿ ಇಂಡಸ್ಟ್ರಿಗೆ ಸಾಫ್ಟ್ ವೇರ್ ಇಂಜಿನಿಯರ್, ಟೆಸ್ಟರ್ ಎಂಟ್ರಿಕೊಡಲು ಇದೊಂದು ಉತ್ತಮ ಅವಕಾಶವಾಗಿದೆ. ಅದೆಷ್ಟೋ ಕಾಮರ್ಸ್ ವಿದ್ಯಾರ್ಥಿಗಳು ಬಿಸಿಎ ಡಿಗ್ರಿ ಮಾಡಿದ ನಂತರ ಸಾಫ್ಟ್ ವೇರ್ ಕಂಪನಿಗಳಲ್ಲಿ ಬದುಕು ಕಟ್ಟಿಕೊಂಡಿದ್ದಾರೆ.

ಇದು ಮೂರು ವರ್ಷದ ಡಿಗ್ರಿ ಕೋರ್ಸ್ ಆಗಿದ್ದು ಬಿಇ ಕಂಪ್ಯೂಟರ್ ಸೈನ್ಸ್ ಪರ್ಯಾಯವಾಗಿ ಮಾಡಬಹುದು. ನಂತರ ಎಂಸಿಎ ಅಥವಾ MSc IT ಮಾಡಬಹುದು.

ಬಿ.ಕಾಂ:

ಬಿ.ಕಾಂ, 3 ವರ್ಷಗಳ ಅವಧಿಯ ಪದವಿ, ವಾಣಿಜ್ಯ ಕ್ಷೇತ್ರದಲ್ಲಿ ಯಶಸ್ವಿ ವೃತ್ತಿಜೀವನಕ್ಕೆ ಭದ್ರವಾದ ನೆಲೆ ಒದಗಿಸುತ್ತದೆ. ಪಿಯುಸಿ ಕಾಮರ್ಸ್‌ ಪೂರ್ಣಗೊಳಿಸಿದ ಬಹುತೇಕ ವಿದ್ಯಾರ್ಥಿಗಳು ಈ ಕೋರ್ಸ್‌ ಆಯ್ಕೆ ಮಾಡುತ್ತಾರೆ. ಬಿ.ಕಾಂ ನಂತರ ಎಂ.ಕಾಂ/ಎಂಬಿಎ ಪದವಿಗಳನ್ನು ಓದುವುದರ ಮೂಲಕ ವೃತ್ತಿಜೀವನದಲ್ಲಿ ಮತ್ತಷ್ಟು ಮುನ್ನಡೆ ಸಾಧಿಸಬಹುದು.

ಬಿ.ಕಾಂನಲ್ಲಿ ಏನೇನು ಕಲಿಯಬಹುದು?

ಕಡ್ಡಾಯ ವಿಷಯಗಳ ಜೊತೆಗೆ, ಕಂಪ್ಯೂಟರ್‌ ಅಪ್ಲಿಕೇಷನ್‌, ಐಟಿ, ಇ ಕಾಮರ್ಸ್‌, ಆಫೀಶ್‌ ಮ್ಯಾನೇಜ್‌ಮೆಂಟ್‌, ಜಾಹೀರಾತು ಮುಂತಾದ ಐಚ್ಛಿಕ ವಿಷಯಗಳನ್ನೂ ಆಯ್ಕೆ ಮಾಡಿಕೊಳ್ಳಬಹುದು. ಈ ಐಚ್ಛಿಕ ವಿಷಯಗಳು ನಿಮ್ಮ ಜ್ಞಾನ ವ್ಯಾಪ್ತಿಯನ್ನು ವಿಸ್ತರಿಸಿ, ಉದ್ಯೋಗಾವಕಾಶಗಳನ್ನು ಹೆಚ್ಚಿಸುತ್ತವೆ.

ಬಿಬಿಎ (ಬ್ಯಾಚುಲರ್ ಆಫ್ ಬಿಸಿನೆಸ್ ಅಡ್ಮಿನಿಸ್ಟ್ರೇಷನ್):

ಬಿಬಿಎ (ಬ್ಯಾಚುಲರ್ ಆಫ್ ಬಿಸಿನೆಸ್ ಅಡ್ಮಿನಿಸ್ಟ್ರೇಷನ್) 3 ವರ್ಷಗಳ ಅವಧಿಯ ಉದ್ಯಮಶೀಲತೆಯ ಯಾನವಾಗಿದೆ. ಈ ಕೋರ್ಸ್‌ ವಿದ್ಯಾರ್ಥಿಗಳಿಗೆ ವ್ಯಾಪಾರ ಜಗತ್ತಿನ ಅಗತ್ಯ ಜ್ಞಾನ ಮತ್ತು ಕೌಶಲ್ಯಗಳನ್ನು ಒದಗಿಸುತ್ತದೆ. ದ್ವಿತೀಯ ಪಿಯುಸಿಯಲ್ಲಿ ವಾಣಿಜ್ಯ ವಿಭಾಗದಲ್ಲಿ ಶೇಕಡಾ 50 ಅಥವಾ ಅದಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದಿರಬೇಕು

ಈ ಕೋರ್ಸ್‌ ವಿದ್ಯಾರ್ಥಿಗಳಿಗೆ ವ್ಯಾಪಾರ ಜಗತ್ತಿನ ಅಗತ್ಯ ಜ್ಞಾನ ಮತ್ತು ಕೌಶಲ್ಯಗಳನ್ನು ಒದಗಿಸುತ್ತದೆ. ಉದ್ಯಮಶೀಲತೆಯ ಕ್ಷೇತ್ರದಲ್ಲಿ ಯಶಸ್ಸು ಸಾಧಿಸಲು ಅಗತ್ಯವಾದ ಚಾಣಾಕ್ಷತೆಯನ್ನು ಬೆಳೆಸಿಕೊಳ್ಳಲು ಈ ಕೋರ್ಸ್‌ ಸಹಾಯ ಮಾಡುತ್ತದೆ. ಬಿಬಿಎ ಪದವಿ ಉತ್ತಮ ಉದ್ಯೋಗಾವಕಾಶಗಳನ್ನು ಒದಗಿಸುತ್ತದೆ.
ಈ ಕೋರ್ಸ್‌ ಪೂರ್ಣಗೊಳಿಸಿದ ನಂತರ ವಿದ್ಯಾರ್ಥಿಗಳು ಎಂಕಾಂ ಅಥವಾ ಎಂಬಿಎ ಓದಬಹುದು.

ಚಾರ್ಟೆಡ್ ಅಕೌಂಟೆನ್ಸಿ (ಸಿಎ):

ಪಿಯುಸಿ ಕಾಮರ್ಸ್ ಮುಗಿದ ನಂತರ ಚಾರ್ಟೆಡ್ ಅಕೌಂಟೆನ್ಸಿ (ಸಿಎ) ಒಂದು ಉತ್ತಮ ವೃತ್ತಿ ಆಯ್ಕೆಯಾಗಿದೆ.

ಸಿಎ ಆಗುವುದು ಒಂದು ಸವಾಲು, ಈ ಕೋರ್ಸ್ ಗೆ ಭಾರಿ ಪರಿಶ್ರಮ ಬೇಕಾಗುತ್ತದೆ. ಜಗತ್ತಿನ ಕಠಿಣ ಪರೀಕ್ಷೆಗಳಲ್ಲಿ ಇದು ಒಂದಾಗಿದೆ. ಪ್ರತಿ ವರ್ಷ ಕೆಲವೇ ಕೆಲವು ವಿದ್ಯಾರ್ಥಿಗಳು ಯಶಸ್ವಿಯಾಗುತ್ತಾರೆ. ಒಟ್ಟು ಕೋರ್ಸ್ ಅವಧಿ 5 ವರ್ಷಗಳು.

ಸಿಎ ಆಗಲು ಏನು ಮಾಡಬೇಕು:

ಮೊದಲು ಕಾಮನ್ ಪ್ರೊಫಿಶಿಯೆನ್ಸಿ ಟೆಸ್ಟ್ (ಸಿಪಿಟಿ) ಬರೆಯಬೇಕು. ಈ ಪರೀಕ್ಷೆಯನ್ನು ದಿ ಇನ್‌ಸ್ಟಿಟ್ಯೂಟ್‌ ಆಫ್‌ ಚಾರ್ಟೆಡ್‌ ಅಕೌಂಟೆಂಟ್ಸ್‌ ಆಫ್‌ ಇಂಡಿಯಾ (ಐಸಿಎಐ) ನಡೆಸುತ್ತದೆ.

ಸಿಪಿಟಿ ಪಾಸ್ ಮಾಡಿದ ನಂತರ ಸಿಎ ಇಂಟರ್ ಪರೀಕ್ಷೆ ಬರೆಯಬೇಕು.

ಇನ್ಫಾರ್ಮೆಷನ್ ಟೆಕ್ನಾಲಜಿ ಟ್ರೇನಿಂಗ್ ಕೋರ್ಸ್ ಪೂರ್ಣಗೊಳಿಸಬೇಕು.

ಅಂತಿಮವಾಗಿ ಸಿಎ ಅಂತಿಮ ಪರೀಕ್ಷೆ ಪಾಸ್ ಮಾಡಬೇಕು.

ಸಿಎ ಆದ ನಂತರ ಏನು ಮಾಡಬಹುದು:

ಬ್ಯಾಂಕುಗಳು, ಕಂಪನಿಗಳು, ಹಣಕಾಸು ಸಂಸ್ಥೆಗಳಲ್ಲಿ ಕೆಲಸ ಮಾಡಬಹುದು.

ಉದ್ದಮಗಳಲ್ಲಿ ಉನ್ನತ ಹುದ್ದೆಗಳನ್ನು ಪಡೆಯಬಹುದು.

ಸ್ವಂತವಾಗಿ ಪ್ರಾಕ್ಟಿಸ್ ಸಹ ಮಾಡಬಹುದು.

ಸಿಎಂಎ:

ಇನ್‌ಸ್ಟಿಟ್ಯೂಟ್‌ ಆಫ್‌ ಕಾಸ್ಟ್‌ ಅಕೌಂಟೆಂಟ್ಸ್‌ ಆಫ್‌ ಇಂಡಿಯಾ (ICMAI) ಪ್ರಸ್ತುತಪಡಿಸುವ ಸಿಎಂಎ ಕೋರ್ಸ್‌ ಒಂದು ಅತ್ಯಂತ ಮೌಲ್ಯಯುತವಾದ ವೃತ್ತಿಪರ ಶಿಕ್ಷಣ ಕಾರ್ಯಕ್ರಮವಾಗಿದೆ. ಈ ಕೋರ್ಸ್‌ ಹಣಕಾಸು ನಿರ್ವಹಣೆ ಮತ್ತು ವೆಚ್ಚ ಲೆಕ್ಕಾಚಾರ ಕ್ಷೇತ್ರಗಳಲ್ಲಿ ಉನ್ನತ ಮಟ್ಟದ ಜ್ಞಾನ ಮತ್ತು ಕೌಶಲ್ಯಗಳನ್ನು ಒದಗಿಸುತ್ತದೆ.

ಮೂರು ಹಂತಗಳ ಏಳಿಗೆ:

ಫೌಂಡೇಷನ್‌: ಹಣಕಾಸು ಮತ್ತು ಲೆಕ್ಕಪತ್ರದ ಮೂಲಭೂತ ಅಂಶಗಳ ಪರಿಚಯ.

ಇಂಟರ್‌ಮೀಡಿಯೇಟ್‌: ವೆಚ್ಚ ಲೆಕ್ಕಾಚಾರ, ನಿರ್ವಹಣಾ ಲೆಕ್ಕಪತ್ರ, ತೆರಿಗೆ ಕಾನೂನುಗಳ ઊંડાಧ್ಯಯನ.

ಫೈನಲ್‌: ತಂತ್ರದ ಯೋಜನೆ, ಬಂಡವಾಳ ನಿರ್ವಹಣೆ, ಲೆಕ್ಕಪರಿಶೋಧನೆ ಮುಂತಾದ ಉನ್ನತ ಮಟ್ಟದ ವಿಷಯಗಳ ಕಲಿಕೆ.

ಕಂಪನಿ ಸೆಕ್ರೆಟರಿ(ಸಿಎಸ್‌);

ಸಿಎಸ್‌ನ ಯಶಸ್ಸಿನ ಭದ್ರ ಬುನಾದಿ ನಿರ್ಮಿಸಲು ಫೌಂಡೇಷನ್‌ ಕೋರ್ಸ್‌ ಉತ್ತಮ ಅವಕಾಶವಾಗಿದೆ. ಈ 3 ವರ್ಷಗಳ ಕಾರ್ಯಕ್ರಮವು ನಿಮ್ಮನ್ನು ಕಂಪನಿ ಕಾರ್ಯದರ್ಶಿ ಹುದ್ದೆಯ ಜವಾಬ್ದಾರಿಗಳನ್ನು ನಿರ್ವಹಿಸಲು ಅಗತ್ಯವಿರುವ ಜ್ಞಾನ ಮತ್ತು ಕೌಶಲ್ಯಗಳಿಂದ ಸಜ್ಜುಗೊಳಿಸುತ್ತದೆ. ಫೌಂಡೇಷನ್‌ ಪೂರ್ಣಗೊಳಿಸಿದ ನಂತರ, ನೀವು ಎಕ್ಸಿಕ್ಯುಟಿವ್‌ ಮತ್ತು ಪ್ರೊಫೆಷನಲ್‌ ಪ್ರೋಗ್ರಾಮ್‌ಗಳಿಗೆ ಮುನ್ನಡೆಯಬಹುದು ಮತ್ತು ನಿಮ್ಮ ಸಿಎಸ್‌ ಧ್ಯೇಯವನ್ನು ಸಾಧಿಸಬಹುದು.

ಸಿಎಫ್‌ಪಿ:

ಹಣಕಾಸು ನಿರ್ವಹಣೆ, ವಿಮಾ ಯೋಜನೆ, ಮ್ಯೂಚುಯಲ್ ಫಂಡ್ ಹೂಡಿಕೆ ಮತ್ತು ವೈಯಕ್ತಿಕ ಹಣಕಾಸು ಕ್ಷೇತ್ರಗಳಲ್ಲಿ ಆಸಕ್ತಿ ಹೊಂದಿರುವವರಿಗೆ, ಸರ್ಟಿಫೈಡ್ ಫೈನಾನ್ಶಿಯಲ್ ಪ್ಲ್ಯಾನರ್ (CFP) ಕೋರ್ಸ್ ಒಂದು ಅದ್ಭುತ ಅವಕಾಶವಾಗಿದೆ. ಈ ಕೋರ್ಸ್ ನಿಮ್ಮ ಜ್ಞಾನವನ್ನು ಉನ್ನತೀಕರಿಸಲು ಮತ್ತು ಈ ಕ್ಷೇತ್ರಗಳಲ್ಲಿ ಯಶಸ್ವಿ ವೃತ್ತಿಜೀವನವನ್ನು ನಿರ್ಮಿಸಲು ಸಹಾಯ ಮಾಡುತ್ತದೆ.

ಫೈನಾನ್ಶಿಯಲ್ ಪ್ಲ್ಯಾನಿಂಗ್ ಸ್ಟ್ಯಾಂಡರ್ಡ್ಸ್ ಬೋರ್ಡ್, ಇಂಡಿಯಾ (FPSB India) ಈ ಕೋರ್ಸ್ ಅನ್ನು ನೀಡುತ್ತದೆ. FPSB ಭಾರತದಲ್ಲಿ ಹಣಕಾಸು ಯೋಜನೆ ಉದ್ಯಮದ ಅತ್ಯಂತ ಗೌರವಾನ್ವಿತ ಸಂಸ್ಥೆಗಳಲ್ಲಿ ಒಂದಾಗಿದೆ. CFP ಪದವಿ ಭಾರತದಲ್ಲಿ ಮತ್ತು ಜಾಗತಿಕವಾಗಿ ಗುರುತಿಸಲ್ಪಟ್ಟಿದೆ ಮತ್ತು ಹಣಕಾಸು ಯೋಜನೆ ಕ್ಷೇತ್ರದಲ್ಲಿ ನಿಮ್ಮ ಪರಿಣತಿಯನ್ನು ಪ್ರತಿನಿಧಿಸುತ್ತದೆ.

ಬ್ಯಾಚುಲರ್‌ ಆಫ್‌ ಅಕೌಂಟಿಂಗ್‌ ಆ್ಯಂಡ್‌ ಫೈನಾನ್ಸ್‌ (ಬಿ.ಕಾಂ) ಒಂದು ಅತ್ಯುತ್ತಮ ಕೋರ್ಸ್‌ ಆಗಿದ್ದು, ಅದು ನಿಮ್ಮ ವೃತ್ತಿಜೀವನದಲ್ಲಿ ಯಶಸ್ಸು ಸಾಧಿಸಲು ಅಗತ್ಯವಾದ ಜ್ಞಾನ ಮತ್ತು ಕೌಶಲ್ಯಗಳನ್ನು ನೀಡುತ್ತದೆ. ಈ ಕೋರ್ಸ್‌ ಮೂಲಕ ಕೆಳಗಿನ ವಿಷಯಗಳನ್ನು ಕಲಿಯಬಹುದು:

ಕಾಸ್ಟ್‌ ಅಕೌಂಟಿಂಗ್‌: ಉತ್ಪಾದನಾ ವೆಚ್ಚ, ಲಾಭ-ನಷ್ಟ ಲೆಕ್ಕಾಚಾರ, ಬಜೆಟ್‌ ತಯಾರಿಕೆ, ಮುಂತಾದವುಗಳನ್ನು ತಿಳಿದುಕೊಳ್ಳಬಹುದು.

ಟ್ಯಾಕ್ಸ್‌: ಆದಾಯ ತೆರಿಗೆ, ಸರಕು ಮತ್ತು ಸೇವಾ ತೆರಿಗೆ, ಮುಂತಾದ ವಿವಿಧ ತೆರಿಗೆ ಕಾನೂನುಗಳ ಬಗ್ಗೆ ತಿಳಿದುಕೊಳ್ಳಬಹುದು.

ಅಡಿಟಿಂಗ್‌: ಲೆಕ್ಕಪತ್ರಗಳನ್ನು ಪರಿಶೀಲಿಸುವ ಮತ್ತು ಖಚಿತಪಡಿಸುವ ಕೌಶಲ್ಯಗಳನ್ನು ಪಡೆದುಕೊಳ್ಳಬಹುದು.

ಬಿಸ್ನೆಸ್‌ ಲಾ: ವ್ಯಾಪಾರ ಕಾನೂನುಗಳು, ಒಪ್ಪಂದಗಳು, ಕಾರ್ಮಿಕ ಕಾನೂನುಗಳು, ಮುಂತಾದವುಗಳ ಬಗ್ಗೆ ತಿಳಿದುಕೊಳ್ಳಬಹುದು.

ಎಕಾನಮಿಕ್ಸ್: ಆರ್ಥಿಕ ಸಿದ್ಧಾಂತಗಳು, ರಾಷ್ಟ್ರೀಯ ಆದಾಯ, ಹಣದುಬ್ಬರ, ಬಡತನ, ಮುಂತಾದ ವಿಷಯಗಳ ಬಗ್ಗೆ ತಿಳಿದುಕೊಳ್ಳಬಹುದು.

ಬಿ.ಕಾಂ ಪದವಿ ಪಡೆದ ನಂತರ, ಖಾಸಗಿ ಅಥವಾ ಸರ್ಕಾರಿ ಕ್ಷೇತ್ರದಲ್ಲಿ ಉದ್ಯೋಗ ಪಡೆಯಬಹುದು. ಕೆಲವು ಉದ್ಯೋಗಾವಕಾಶಗಳು ಈ ಕೆಳಗಿನಂತಿವೆ:

ಅಕೌಂಟೆಂಟ್‌
ಕೋಸ್ಟ್‌ ಅಕೌಂಟೆಂಟ್‌
ಟ್ಯಾಕ್ಸ್‌ ಕನ್ಸಲ್ಟೆಂಟ್‌
ಅಡಿಟರ್‌
ಫೈನಾನ್ಷಿಯಲ್‌ ಅನಾಲಿಸ್ಟ್‌

ಬಿ.ಕಾಂ ಪದವಿ ಜೊತೆಗೆ, ಇನ್ನೂ ಕೆಲವು ಕೋರ್ಸ್‌ಗಳನ್ನು ಮಾಡಿ ನಿಮ್ಮ ಜ್ಞಾನ ಮತ್ತು ಕೌಶಲ್ಯಗಳನ್ನು ಹೆಚ್ಚಿಸಿಕೊಳ್ಳಬಹುದು. ಅವುಗಳಲ್ಲಿ ಕೆಲವು:

ಬ್ಯಾಚುಲರ್ಸ್‌ ಆಫ್‌ ಬ್ಯಾಂಕಿಂಗ್‌ ಆ್ಯಂಡ್‌ ಇನ್ಸೂರೆನ್ಸ್‌ (ಬಿಬಿಐ)
ಬಿ ಸ್ಟ್ಯಟಿಸ್ಟಿಕ್ಸ್‌

ಕಮರ್ಷಿಯಲ್‌ ಪ್ರ್ಯಾಕ್ಟಿಸ್‌ ಕೋರ್ಸ್:

ಕಮರ್ಷಿಯಲ್‌ ಪ್ರ್ಯಾಕ್ಟಿಸ್‌ ಕೋರ್ಸ್ ಒಂದು ಅದ್ಭುತವಾದ ಎರಡು ವರ್ಷದ ಕೋರ್ಸ್ ಆಗಿದ್ದು, ಇದು ವಿದ್ಯಾರ್ಥಿಗಳಿಗೆ ಉತ್ತಮ ಉದ್ಯೋಗಾವಕಾಶಗಳನ್ನು ಒದಗಿಸುತ್ತದೆ. ಈ ಕೋರ್ಸ್‌ ಮುಗಿಸಿದವರು ಸಚಿವರು ಹಾಗೂ ಅಧಿಕಾರಿಗಳ ಆಪ್ತ ಕಾರ್ಯದರ್ಶಿ ಅಥವಾ ಸಹಾಯಕರಾಗಿ ಯಶಸ್ವಿ ವೃತ್ತಿಜೀವನವನ್ನು ರೂಪಿಸಿಕೊಳ್ಳಬಹುದು.

ಏಕೆ ಈ ಕೋರ್ಸ್‌ ವಿಶೇಷ?

ವ್ಯಾಪಕವಾದ ಶಿಕ್ಷಣ: ಈ ಕೋರ್ಸ್‌ ವ್ಯಾಪಾರ, ಲೆಕ್ಕಪತ್ರ, ಕಾನೂನು, ಆಡಳಿತ, ಮತ್ತು ಕಂಪ್ಯೂಟರ್‌ ಜ್ಞಾನದಂತಹ ವಿವಿಧ ವಿಷಯಗಳನ್ನು ಒಳಗೊಂಡಿದೆ.

ಉದ್ಯೋಗಾವಕಾಶಗಳ ಖಣಿ: ಈ ಕೋರ್ಸ್‌ ಮುಗಿಸಿದವರಿಗೆ ಖಾಸಗಿ ಮತ್ತು ಸರ್ಕಾರಿ ಕ್ಷೇತ್ರಗಳಲ್ಲಿ ಉತ್ತಮ ಉದ್ಯೋಗಾವಕಾಶಗಳು ಲಭ್ಯವಿವೆ.

ವೃತ್ತಿಜೀವನದ ಉನ್ನತ: ಈ ಕೋರ್ಸ್‌ ಉನ್ನತ ಹುದ್ದೆಗಳಿಗೆ ಏರಲು ಒಂದು ಉತ್ತಮ ಅಡಿಪಾಯವನ್ನು ಒದಗಿಸುತ್ತದೆ.

ವೈಯಕ್ತಿಕ ಕೌಶಲ್ಯಗಳ ಅಭಿವೃದ್ಧಿ: ಈ ಕೋರ್ಸ್‌ ವಿದ್ಯಾರ್ಥಿಗಳಲ್ಲಿ ಸಂವಹನ, ಸಮಸ್ಯೆ ಪರಿಹಾರ, ಮತ್ತು ಸಮಯ ನಿರ್ವಹಣೆಯಂತಹ ಪ್ರಮುಖ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುತ್ತದೆ.

ಯಾರಿಗೆ ಈ ಕೋರ್ಸ್‌ ಸೂಕ್ತ?

ವ್ಯಾಪಾರ ಕ್ಷೇತ್ರದಲ್ಲಿ ಯಶಸ್ವಿ ವೃತ್ತಿಜೀವನವನ್ನು ಬಯಸುವವರಿಗೆ

ಉತ್ತಮ ಸಂವಹನ ಮತ್ತು ಸಂಘಟನಾ ಕೌಶಲ್ಯಗಳನ್ನು ಹೊಂದಿರುವವರಿಗೆ

ಸ್ವಯಂ-ಪ್ರೇರಿತ ಮತ್ತು ಶ್ರಮಜೀವಿಗಳಿಗೆ

ಕಮರ್ಷಿಯಲ್‌ ಪ್ರ್ಯಾಕ್ಟಿಸ್‌ ಕೋರ್ಸ್ ನಿಮ್ಮ ಯಶಸ್ಸಿನ ಬಾಗಿಲು. ಈ ಕೋರ್ಸ್‌ ಮುಗಿಸಿ ಉತ್ತಮ ಭವಿಷ್ಯವನ್ನು ರೂಪಿಸಿಕೊಳ್ಳಿ.

ಅರ್ಥಶಾಸ್ತ್ರಜ್ಞ ಹಾಗೂ ಸಂಖ್ಯಾಶಾಸಜ್ಞರು:

ಪಿಯುಸಿ (ಪ್ರಥಮ ದರ್ಜೆ ಕಾಲೇಜು) ಯಿಂದ ಪ್ರಾರಂಭಿಸಿ ಸ್ನಾತಕೋತ್ತರ ಪದವಿವರೆಗೆ ಅರ್ಥಶಾಸ್ತ್ರ ಮತ್ತು ಅನ್ವಯಿಕ ಸಂಖ್ಯಾಶಾಸ್ತ್ರದಲ್ಲಿ ಶಿಕ್ಷಣ ಪಡೆದು, ನಂತರ ಪಿಎಚ್‌ಡಿ (ಡಾಕ್ಟರೇಟ್) ಪದವಿ ಪಡೆದವರು ಅರ್ಥಶಾಸ್ತ್ರಜ್ಞರಾಗುತ್ತಾರೆ. ಈ ಕ್ಷೇತ್ರದಲ್ಲಿ ಉನ್ನತ ಶಿಕ್ಷಣ ಪಡೆದವರಿಗೆ ರಾಜ್ಯ ಸರ್ಕಾರದ ಆರ್ಥಿಕ ಮತ್ತು ಸಾಂಖ್ಯಿಕ ಇಲಾಖೆಗಳಲ್ಲಿ, ಬ್ಯಾಂಕುಗಳಲ್ಲಿ, ದೊಡ್ಡ ಕೈಗಾರಿಕೆಗಳಲ್ಲಿ ಮತ್ತು ಏಜೆನ್ಸಿಗಳಲ್ಲಿ ಉದ್ಯೋಗಾವಕಾಶಗಳು ಲಭ್ಯವಿವೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ 👉 WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ..